Read Nguna Togoa Etafe North SALAMO 149 Bible Online

SALAMO 149 - Nguna Togoa Etafe North bible

SALAMO 149

¹Kuga samasamani Yah. Kuga lega ki Yehovah nalegaana vau sikai, Go nasamasamani‐a‐ana nasaisaiana ki tea dodomi‐dodomiana maga.

²Israel ega laelaea tea waina e mari a: Sion natuna maga euga sokamidi Nawota adeada.

³Euga samasamani nagisana ki nasaleana: Euga lega‐samasamani a ki timbrel go harp.

⁴Nalakena Yehovah e do midoaki m̃ata ki narei aneana: Ega wo dekei ki tea matemate maga ki namautipauriana.

⁵Tea dodomi‐dodomiana maga euga rarasa nasamasamaana: Euga kolalaelaea one nawewele adeada maga.

⁶Nasamasamani‐pakilagi‐ki‐Sup̃eana ega toko namanuda, Go lova sikai waina e makali wora‐rua ega toko nam̃elearuda;

⁷Naga euga mari nasikosikoana paki nalauna maga, Go navaratiana maga paki narei maga;

⁸Naga euga soli nawota adeada maga ki namori ni airon maga, Go tea dodomadaganiana adeada maga ki tea moti nam̃eleda ni airon maga;

⁹Naga euga mari paki da navasap̃otaeana midiriana: Nadodomadaganiana wanogoe e pei agi tea dodomi‐dodomiana aneana maga mamau puti. Kuga samasamani Yah.