Read Nguna Togoa Etafe North SALAMO 15 Bible Online

SALAMO 15 - Nguna Togoa Etafe North bible

SALAMO 15

¹Salamo sikai ki David. Yehovah, sei ega wo m̃enakiatatoko tap̃aup̃au anigo? Sei ega wo doko tava tapu anigo?

²Tea waina e do surata p̃ialua, po do mari namarinaleoleanaana, Po do pasa nalomauana nap̃op̃ona.

³Tea waina e da pinoa ki namenana mau, Tea waina e da mari tea sa paki tana ri mau, Go waina e da dape dakati navasapinoaana dip̃a tea ni m̃aladigi ki nia mau.

⁴Waina tea tip̃adoaana e pei tea midoakip̃alokiana namatana maga; Go waina e do dodomadagani tea maga waina eu matau ki Yehovah. Tea waina e pivisa po pei tea marisakiana asa, go waina e da mari a e pano p̃ota mau.

⁵Tea waina e da pitua ki m̃ane aneana raki narogoviana mau, Go waina e da dape te ruku sikai dip̃a tea waina sogi e dika asa mau. Tea waina e do mari tea maga wanogoe ega wo da parivari mau pa pa ega tu mau du.