Read Nguna Togoa Etafe North SALAMO 16 Bible Online

SALAMO 16 - Nguna Togoa Etafe North bible

SALAMO 16

¹Miktam ki David. P̃a vavaigoro au, Sup̃e O, nalakena a pavatu ako.

²A noa ki Yehovah, Nigo ku pei Nawota aginau: Nawiaana aginau e da masale ki‐go mau.

³Nalo ni tea tautau maga waina eu doko navanua, Nara go tea wia liu kakana maga, namaroana aginau mamau e doko ara.

⁴Narogokitesaana maga ki tea maga waina eu surupioli ki Yehovah raki tea p̃ota euga wo laapa: Aga wo da da ki navituaana takiana ni nada adeada maga mau, Go aga wo da dape dakati nagisada paki nagolegu maga mau.

⁵Yehovah e pei matele ni tea veanip̃otaeana aginau go ni lasa munu aginau: Nigo ku do silae gole ni tea veanip̃otaeana aginau.

⁶Laine totowo maga eu maginau dowo tokora masauniana maga; Go tea veaniana aginau e pei tea leom̃atakiana.

⁷Aga wo pasap̃ia ki Yehovah waina e pasa parati ki nau: Go nap̃elekevatugu ero do soki au p̃ogi maga.

⁸A lawo ki Yehovah kivea ki nau sara ragi: Nalakena e doko pisari nam̃elearugu ni matua, aga wo da parivari mau.

⁹Nalakena tea wanogoe nap̃op̃ogu e laelaea go nasamasamaana aginau e sokamidi: Go nap̃okasigu ega wo doko navavatuana.

¹⁰Nalakena p̃a wo da doropusi naatagu paki Sheol mau; Go p̃a wo da pitua ki tea dodomi‐dodomiana anigo naga ega vunusi namesoana mau.

¹¹P̃a wo mari au aga atae napua ni namauriana: Navakavuroana ni nalaelaeaana e doko naraem̃a; Tea masauniana maga eu doko nam̃elearum̃a ni matua pa pa e du mau du.