Read Nguna Togoa Etafe North SALAMO 2 Bible Online

SALAMO 2 - Nguna Togoa Etafe North bible

SALAMO 2

¹Ekasana nalauna maga eu midi, Go narei maga eu do midoa ki tea p̃alo?

²Nawota maga ni maramana eu do dum̃ada lawo ki da, Go tea maraki maga eu do saisai seke, Dip̃a Yehovah, go dip̃a Tea Vuvuraikiana aneana, naga.

³Tuga vuakotovi natali adeada maga, Po nadi ki namea adeada maga euga m̃elu dua ki gida pano.

⁴Tea waina e doko nakoroatelagi maga doko ega wo muru: Nawota ega wo pasasaudoa ki da.

⁵Ega wo edaku pasa ki da namaetoana aneana. Po mari ra euga wo durururu namaritausuana aneana:

⁶Go kinau a puvurai ki nawota aginau Sion tava tapu aginau.

⁷Aga rogorogo ki natawonakiana: Yehovah e noa ki nau, Nigo ku pei natugu; Kinau a pesi ko masoso.

⁸P̃a tatagovi au, go aga wo pitua ki nalauna maga euga vei tea veanipiolikiana anigo, Go namatap̃ago ni maramana maga euga vei tea veaniana anigo.

⁹P̃a wo marip̃orae ra ki tiko ni airon sikai; P̃a wo marip̃oraworae ra euga takiusi lasa ki tea mari lasa ni naruku.

¹⁰Go ragi waia, nawota maga, kuga manumatua: Kuga vei tea tapavanauana, tea vasap̃otae maga ni maramana,

¹¹Kuga magi Yehovah suasua pilake namatakuana, Go kuga laelaea pilake narurururuana.

¹²Kuga tum̃ili Natuna naga ega ta maeto mau, go naga kuga ta puoli napua mau, Nalakena namaetoana aneana ega wo pavaga m̃araverave. Ae namaropaana ki tea maga mamau puti waina eu pavatu asa!