Read Nguna Togoa Etafe North SALAMO 21 Bible Online

SALAMO 21 - Nguna Togoa Etafe North bible

SALAMO 21

¹Salamo sikai ki David. Yehovah O, nawota ega wo laelaea nakasuaana anigo; Go ega wo sokamidi p̃arua pa namautipauriana anigo!

²Namasauana ni nap̃op̃ona ku dua e asa, Go natatagoana ni nagolena maga ku da mauti a asa mau. Selah.

³Nalakena p̃a wo pea ki nia ki navasap̃iakiana maga ni nawiaana: P̃a wo sawa ki vauvau sikai ni kold wia nap̃auna.

⁴E datagovi ko ki namauriana, ku dua e asa; Navarauana ni naaleatia maga pa pa e du du po du mau du.

⁵Nasamasamaana aneana namautipauriana anigo ega wo p̃arua: Nadodomadaganiana go natatap̃auana p̃a wo doropusi ra asa.

⁶Nalakena p̃a wo mari a ega vei tea vasap̃iakiana warua liu pa pa ega tu mau du: P̃a wo mari a ega laelaea ki nalaelaeana doko naraem̃a.

⁷Nalakena nawota e do pavatu Yehovah, Go nalakena e doko nadodomiana ki Tea Vakilagi mau ega wo da parivari mau.

⁸Nam̃elearum̃a ega wo pap̃ai tea kokona ki‐go maga mamau puti: Nam̃elearum̃a ni matua ega wo pap̃ai tea maga waina eu do pilosi ko.

⁹P̃a wo mari ra euga wo dapala upu ni nakapu ragi ni namaetoana anigo. Yehovah ega wo dinomi ra namaetoana aneana, Go nakapu ega wo gani ra.

¹⁰P̃a wo maripuoli ki nawada m̃elu dua ki maramana, Go naworaworada m̃elu dua ki naatam̃oli natuda maga.

¹¹Nalakena eu sai ki nasaana dip̃a ko: Eu midoa ki tea midoakiana sa sikai, waina euga wo da mariatae mari a mau.

¹²Nalakena p̃a wo mari ra euga wo atutaku, P̃a wo dip̃a nagalo anigo maga ki nalua maga dip̃a naraeda.

¹³P̃a vei tea vakilagi, Yehovah O, nakasuaana anigo: Auga wo lega po samasamani namarimatuaana anigo.