Read Nguna Togoa Etafe North SALAMO 23 Bible Online

SALAMO 23 - Nguna Togoa Etafe North bible

SALAMO 23

¹Salamo sikai ki David. Yehovah e pei tea leo parati ki nau; aga wo da dika mau.

²Ega wo mari au aga one natano napega malakesa maga: Ega wo maraki au pisari noai maga ni namaromaroana.

³Ega wo piragi naatagu ega liliu; Ega wo maraki au napua maga ni namarinaleoleanaana nalakena nagisana.

⁴Go ragi waina aga wo surata pae nap̃aloa ni melu ni namateana, Aga wo da matau ki tea sa mau; nalakena nigo p̃a wo sikoti au: Nakau tagau anigo go tiko anigo, nara eroga wo pakavakale au.

⁵P̃a wo ovaraki paki wede sikai naraegu kivea ki tea riesoki au maga: Ku puvurai ki nap̃augu ki naroro; lasa munu aginau e do sarasaraape.

⁶Nawiaana go nadodomiana eroga wo sikida dausi au naeleatia maga mamau puti ni namauriana aginau: Go aga wo doko nasum̃a ki Yehovah pa pa paki navarauana ni naaleatia maga.