Read Nguna Togoa Etafe North SALAMO 24 Bible Online

SALAMO 24 - Nguna Togoa Etafe North bible

SALAMO 24

¹Salamo sikai ki David. Navanua e pei tea ki Yehovah, go navuraana kakana; Maramana, go tea maga waina eu doko asa doko.

²Nalakena nae e lawo ki nia elagi ki natasi maga, Go e lawokilaketoko asa elagi ki noai sara maga.

³Sei ega wo sake paki tava ki Yehovah? Go sei ega wo lawodu tokora tapu aneana?

⁴Tea m̃elearu tare, go tea p̃op̃o tautau; Waina e da sike naatana paki nasigisigileoana mau,

⁵Go waina e da pivisa ki namarisoreana mau. Ega wo dape navasap̃iakiana sikai ki Yehovah, Go namarinaleoleanaana ki Sup̃e ni namautipauri‐a‐ana.

⁶Tagona waia e pei tagona ni tea maga waina eu do laaga asa, Waina eu do laaga naraem̃a, Sup̃e ki Yakob O. Selah.

⁷Kuga sike nap̃aumu maga euga vakilagi, namata‐pua maga O; Go kuga vei tea sikeana pakilagi, namata maga waina ku du mau du: Go Nawota ni nasamasamaana ega wo umai paki ekopu.

⁸Sei wanogoe, Nawota ni nasamasamaana? Yehovah tea kasua go tea marimatua, Yehovah tea marimatua navakalo.

⁹Kuga sike nap̃aumu maga euga vakilagi, namata‐pua maga O; Go kuga sike ra euga vakilagi, namata maga waina ku du mau du: Go Nawota ni nasamasamaana ega wo umai paki ekopu.

¹⁰Sei nae wanogoe, Nawota ni nasamasamaana? Yehovah ki taua maga, Nae e pei Nawota ni nasamasamaana. Selah.