Read Nguna Togoa Etafe North SALAMO 26 Bible Online

SALAMO 26 - Nguna Togoa Etafe North bible

SALAMO 26

¹Salamo sikai ki David. P̃a vasap̃otae au, Yehovah O, nalakena kinau a surata nawialuaana aginau: Go a pavatu Yehovah, aga wo da pa parasai mau.

²P̃a tovidogo au, Yehovah O, go p̃a sidogo au; P̃a venidogo nap̃elekevatugu maga go nap̃op̃ogu.

³Nalakena nadodomiana anigo e doko kivea ki namatagu maga; Go a surata nalomauana anigo.

⁴A da dasake sikoti naatam̃oli maga ni nasorosoroana mau; Go aga wo da paki ekopu sikoti tea maga waina eu pei nakalep̃o mau.

⁵A pilosi nasaisaiana ki tea mari naleo sa maga, Go aga wo da dasake sikoti tea sigisigileo maga mau.

⁶Aga wo pavano ki nam̃elearugu maga natautauana; Go aga wo dalivirigoro wede ni naviriana anigo, Yehovah O:

⁷Naga aga mari nadaleo ni navasadodom̃atakiana ega vei tea rogoana, Go naga aga rogorogo ki nawosiana ni namagaana anigo maga mamau puti.

⁸Yehovah O, a dodomi natokoana ni nasum̃a anigo, Go tokora ni natokoana ni nasamasamaana anigo.

⁹P̃a ta dapelua naatagu sikoti tea mari naleo sa maga mau, Go namauriana aginau sikoti naatam̃oli maga ni nada mau;

¹⁰Waina nawosiana sa e doko nam̃elearuda maga, Go nam̃elearuda ni matua e pura ki ruku maga.

¹¹Ma kinau, aga wo surata nawialuaana aginau: P̃a taulua au, go p̃a saup̃ia ki nau.

¹²Nam̃elegu e lawodu tokora matemate sikai: Aga wo pasap̃ia ki Yehovah nasaisaiana maga.