Read Nguna Togoa Etafe North SALAMO 28 Bible Online

SALAMO 28 - Nguna Togoa Etafe North bible

SALAMO 28

¹Salamo sikai ki David. Aga vioso paki‐go, Yehovah O; Vatu laketoko aginau, p̃a ta p̃aro paki nau mau: Ku pe vunuta paki nau, Go a pe takiusi tea maga waina eu do siwo paki m̃oru.

²P̃a rogo nadaleo ni navavaraniana aginau maga, ragi waina aga vioso paki‐go, Ragi waina aga sike nam̃elearugu maga paki tokora tapu ni navasaana anigo.

³P̃a ta dosalua au sikoti tea sigisigileo maga mau, Go sikoti tea maga waina eu do mari namarinaleotageleana; Waina eu do pasa natam̃ateana paki tea ni m̃aladigi ki da, Ma tea sa e doko nap̃op̃oda,

⁴P̃a tua ra ega tapala nawosiana adeada, go ega tapala nasaana ni namariana adeada maga; P̃a tua ra ega tapala namariana ni nam̃elearuda maga; P̃a mari namariana adeada ega liliu paki‐da.

⁵Nalakena eu da midoa ki nawosiana maga ki Yehovah mau, Go namariana ni nam̃elearuna maga mau, Ega wo dakai ra, go ega wo da davagi ra mau.

⁶Yehovah ega vei tea vasap̃iakiana, Nalakena e po dogo nadaleo ni navavaraniana aginau maga.

⁷Yehovah e pei nakasuaana aginau go nakokoro aginau; Nap̃op̃ogu e pavatu asa, go a pei tea silaeana: Go nap̃op̃ogu ega wo laelaea p̃arua; Go aga wo samasamani a ki nalegaana aginau.

⁸Yehovah e pei nakasuaana adeada, Go nae e magi tea vuvuraikiana aneana pei p̃aaka sikai ni namautipauriana.

⁹P̃a mautipauri narei anigo, go p̃a vasap̃ia ki tea veaniana anigo: Go p̃a leo parati ki pakale ra, po dapetape ra ega tu mau du.