Read Nguna Togoa Etafe North SALAMO 29 Bible Online

SALAMO 29 - Nguna Togoa Etafe North bible

SALAMO 29

¹Salamo sikai ki David. Kuga tua Yehovah, tea kasua natuda maga O, Kuga tua Yehovah nasamasamaana go nakasuaana.

²Kuga tua Yehovah nasamasamaana ni nagisana; Kuga suai natano paki Yehovah doko narekeikiana ni natapuana.

³Nadaleo ni Yehovah e doko elagi ki noai maga: Sup̃e ni nasamasamaana e mari tovae e kati, Yehovah waina e doko elagi ki noai maga laapa.

⁴Nadaleo ni Yehovah e pura ki nakasuaana; Nadaleo ni Yehovah e pura ki natatap̃auana.

⁵Nadaleo ni Yehovah e do marip̃orae sidar maga; Go Yehovah e marip̃oraworae sidar maga ni Lebanon.

⁶Go e mari ra eu sokamidi dapala kau natuna sikai: Lebanon go Sirion dapala oks mila tureai sikai.

⁷Nadaleo ni Yehovah e do daelua mena maga ni nakapu.

⁸Nadaleo ni Yehovah ega wo mari masop̃alo ega rurururu; Yehovah ega wo mari masop̃alo ni Kadesh ega rurururu.

⁹Nadaleo ni Yehovah ega wo mari diir goroi maga euga visola, Go ega wo mari mala ni nakau maga euga m̃alu: Go sara naleo ni nasum̃a tapu aneana eu do naga, Nasamasamaana.

¹⁰Yehovah e dasake e pei nawota ragi ni Natave; Go Yehovah e do dasake e pei nawota pa pa e du mau du.

¹¹Yehovah ega wo dua narei aneana nakasuaana; Yehovah ega wo pasap̃ia ki narei aneana ki natam̃ateana.