Read Nguna Togoa Etafe North SALAMO 33 Bible Online

SALAMO 33 - Nguna Togoa Etafe North bible

SALAMO 33

¹Kuga kola‐laelaea Yehovah, tea leana maga: Nasamasamaniana e pataka ni tea leana maga.

²Kuga vasadodom̃ata ki Yehovah ki harp sikai: Kuga lega‐samasamani a ki salteri ni nagalo rualima sikai.

³Kuga lega ki nia nalegaana vau sikai; Kuga lega p̃ia ki daleo pakilagi.

⁴Nalakena navasaana ki Yehovah e leana; Go nawosiana mamau aneana e pae naveilomauana.

⁵E dodomi namarinaleoleanaana go navasap̃otaeana: Maramana e pura ki nadodomiana ki Yehovah.

⁶Nakoroatelagi maga eu pei tea mariana ki navasaana ki Yehovah; Go taua mamau kakada ki namero ni nawokana.

⁷E do saisai ki noai maga ni natasi eu dapala taua sikai: E do doropusi epua maga ekopu ni nasum̃a maga ni nalo tauakiana maga.

⁸Euga matau ki Yehovah, maramana mamau: Euga mataku pa dua ki nia, tea maga mamau puti waina eu doko maramana doko.

⁹Nalakena nae e noa, go e pakilina; Nae e pitip̃aki, go e lawodu.

¹⁰Yehovah e maripiri namidoakip̃otaeana ki nalauna maga: E mari namidodoana maga ki narei maga eu pei tea p̃alo.

¹¹Namidoakip̃otaeana ki Yehovah ega wo lawodu pa pa ega tu mau du, Namidodoaana maga ni nap̃op̃ona pa pa paki tagona go tagona.

¹²Ae namaropaana ki nalauna waina Yehovah e pei Sup̃e adeada! Ki narei waina e matadoa ra naga euga vei tea veaniana aneana!

¹³Yehovah e do leo pae nakoroatelagi umai; E do punusi naatam̃oli natuda maga mamau puti;

¹⁴E do leo pae tokora ni natokoana aneana Punusi tea maga mamau puti waina eu doko maramana doko;

¹⁵Nae waina e do maridawona ki puti nap̃op̃oda, Waina e do midoa ki nawosiana adeada maga mamau puti.

¹⁶Nawota sikai e da pei tea mautipauriana pae nawaruaana ni taua ni naatam̃oli maga mau: Naatam̃oli marimatua sikai ega wo da pei tea vualuaana pae nawaruaana ni nakasuaana mau.

¹⁷Horse sikai e pei nasorosoroana agi namautipauriana: Go ega wo da pualua pae nawaruaana ni nakasuaana aneana mau.

¹⁸Kuga leo, namata ni Yehovah e paki tea maga waina eu matau ki nia. E paki tea maga waina eu do leogoro nadodomiana aneana;

¹⁹Naga ega vualua naatada pa dua ki namateana, Go naga ega mari ra euga mauri doko ragi ni navitoloana.

²⁰Naatagida e leogoro Yehovah: Nae e pei nasilae‐gida‐ana go nakokoro anigida.

²¹Nalakena nap̃op̃ogida ega wo laelaea asa, Nalakena tu pavatu nagisana tapu.

²²Nadodomiana anigo, Yehovah O, ega toko gami doko, Ega tapala waina au leogoro ako.