Read Nguna Togoa Etafe North SALAMO 36 Bible Online

SALAMO 36 - Nguna Togoa Etafe North bible

SALAMO 36

¹Salamo sikai ki David tea suasua ki Yehovah. Natapiriana ki tea sigisigileo e noa nap̃alau ni nap̃op̃ogu, Namatau‐ki‐Sup̃e‐ana e da doko kivea ki namatana maga mau.

²Nalakena e dum̃ana maneana mari a e m̃om̃oaa namatana maga, Naga namarinaleotageleana aneana ega wo da pei tea vap̃aiana go tea vilosiana mau.

³Navasaana maga ni nawokana eu pei namarinaleotageleana go namarisoreana: E doropusi namarimanumatuaana go namarip̃iaana.

⁴E midoa ki namarinaleotageleana one nawewelena; E dum̃ana lawo ki nia napua waina e da p̃ia mau; E da mamarago ki tea sa mau.

⁵Yehovah O, nadodomiana anigo e doko nakoroatelagi maga; Naveilomauana anigo e paki napopouru maga.

⁶Namarinaleoleanaana anigo e dakiusi tava maga ki Supe; Navasap̃otaeana anigo maga eu pei epua warua: Yehovah O, ku do mautipauri naatam̃oli go nalo tuavati.

⁷Nadodomiana anigo e p̃ia pa Sup̃e O! Go naatam̃oli natuda maga eu do sava sili etano ni melu ni nalivarum̃a maga.

⁸Euga wo pei tea vueana ki nam̃aladua ni nasum̃a anigo; Go p̃a wo mari ra euga wo munu noai sara ni namaropaana anigo maga.

⁹Nalakena namata ni noai ni namauriana e sikoti ko doko: Namarama anigo auga wo punusi namarama asa.

¹⁰P̃a mari nadodomiana anigo ega varau paki tea waina eu atae ko; Go namarinaleoleanaana anigo paki tea p̃op̃o leana maga.

¹¹Nam̃ele ni naleomadagaana ega ta umai paki nau mau, Go nam̃elearu ni tea sigisigileo maga ega ta mari au aga sava pano mau.

¹²Tokora wanogoe tea maga waina eu do mari namarinaleotageleana eu dowo asa: Eu pei tea tosivakiana pakitano, go euga wo da mariatae duleana mau.