Read Nguna Togoa Etafe North SALAMO 37 Bible Online

SALAMO 37 - Nguna Togoa Etafe North bible

SALAMO 37

¹Salamo sikai ki David. Nap̃op̃om̃a ega ta sa mau nalakena tea mari naleo sa maga, P̃a ta doitoi tea maga waina eu do mari namarinaleotageleana mau.

²Nalakena euga wo pei tea tagaukotoviana m̃araverave dakiusi nam̃enau, Po kokolo dakiusi naulu malakesa.

³P̃a vavatu Yehovah, po mari naleo p̃ia; P̃a toko navanua, po dausi naveilomauana.

⁴Go p̃a maro Yehovah; Go ega wo dua ko natatagoana maga ni nap̃op̃om̃a.

⁵P̃a malulua ki napua anigo paki Yehovah; Go p̃a vavatu asa, go nae ega wo mari a.

⁶Go ega wo mari namarinaleoleanaana anigo ega tave dapala namarama, Go navasap̃otae‐ko‐ana dapala aleati matua.

⁷P̃a vunuta paki Yehovah, go p̃a to leogoro asa: Nap̃op̃om̃a ega ta sa mau nalakena tea waina e do mari napua aneana e disu p̃ia, Nalakena naatam̃oli waina e do mari tea midoakiana sa maga.

⁸P̃a makoto ki namaetoana, po doropusi namaritausuana: Nap̃op̃om̃a ega ta sa mau naga p̃a mari naleo sa.

⁹Nalakena tea mari naleo sa maga euga wo pei tea taeluaana: Ma tea maga waina eu do leogoro Yehovah, nara euga wo peani navanua.

¹⁰Nalakena ragi ega wo kiki, go tea sigisigileo ega wo da doko mau: Go p̃a wo midoaki parati ki tokora aneana, go ega wo da doko mau.

¹¹Ma tea matemate maga euga wo peani navanua; Go euga wo maro nalapalapaana ni natam̃ateana.

¹²Tea sigisigileo e do midodoa dip̃a tea leana, Po do kati napatina maga paki nia.

¹³Nawota ega wo muru ki nia: Nalakena e punusi naga naaleatia aneana ega wo umai.

¹⁴Tea sigisigileo maga eu sailua lova, po puap̃elua ki naasu adeada; Naga euga mari tea rogokitesa go tea tika eroga rowo, Naga euga maripunue tea leana maga ni napua:

¹⁵Lova adeada ega wo puri nam̃oda, Go naasu adeada maga euga wo pei tea marip̃oriana.

¹⁶Tea kiki waina tea leana e peani a e p̃ia liu. Nasogolapaana ki tea sigisigileo laapa.

¹⁷Nalakena naru maga ni tea sigisigileo maga euga wo pei tea marip̃oriana: Ma Yehovah e do silae tea leana maga.

¹⁸Yehovah e atae naaleatia maga ki tea wialua maga: Go tea veaniana adeada ega wo du mau du.

¹⁹Euga wo da maliere ragi ni nasaana mau: Go euga wo puka naaleatia maga ni navitoloana.

²⁰Nalakena tea sigisigileo maga euga wo puoli, Go tea kokona maga ki Yehovah euga wo dapala nap̃eletia ni shiip natuda maga: Euga wo sirinopu; euga wo sirinopu dapala naasua.

²¹Tea sigisigileo e do sea, po da lagatipitua mau: Ma tea leana e do saup̃ia, po do pitua.

²²Nalakena tea vasap̃iakiana aneana maga euga wo peani navanua; Go tea vasasakiana aneana maga euga wo pei tea taeluaana.

²³Navasiana maga ki naatam̃oli eu pei tea lawokilaketokoana pae Yehovah; Go ega wo maro napua aneana.

²⁴Ragi waina ega wo dowo, ega wo da pei tea tosivakiana pakitano mau: Nalakena Yehovah e do silae a ki nam̃elearuna.

²⁵A pei natureai, go a po pei tea matua; Ma a ko da punusi tea leana e pei tea toropusiana mau, Go naworana eu do datago navinaga mau.

²⁶Naaleatia mamau e do saup̃ia asa, po do pitua ki tea seakiana; Go naworana eu pei tea vasap̃iakiana.

²⁷P̃a tawasi m̃elu dua ki tea sa, go p̃a to mari tea wia; Go p̃a wo doko pa pa ega tu mau du.

²⁸Nalakena Yehovah e dodomi navasap̃otaeana. Go e da doropusi tea dodomi‐dodomiana aneana maga mau; Eu pei tea vavaigoroana pa pa e du mau du: Ma nawora ni tea sigisigileo maga euga wo pei tea taeluaana.

²⁹Tea leana maga euga wo peani navanua, Po doko asa doko pa pa ega tu mau du.

³⁰Nawoka ni tea leana ega wo noa namanumatuaana, Go namenana ega wo pasa navasap̃otaeana.

³¹Nawotaeana ki Sup̃e aneana e doko nap̃op̃ona; Navasiana aneana maga euga wo da pa‐parasai mau.

³²Tea sigisigileo e do kusugoro tea leana, Po do laaga naga ega maripunue a.

³³Yehovah ega wo da doropusi a doko nam̃elearuna mau, Go ega wo da dip̃akotovi a mau ragi waina ega wo pei tea vasap̃otaeana.

³⁴P̃a to leogoro Yehovah, go p̃a to pavaigoro napua aneana, Go ega wo sike ko pakilagi naga p̃a veani navanua: Ragi waina tea sigisigileo maga euga wo pei tea taeluaana, p̃a wo punusi a.

³⁵A punusi tea sigisigileo sikai tea vakamatakua sikai, Go e do dum̃ana sai ki nia dapala nakau malakesa sikai natano kakana.

³⁶Ma e liu pano, go p̃a leo, e da doko mau: Go a laaga asa, ma e da pei tea vap̃aiana mau.

³⁷P̃a vavaigoro naatam̃oli wialua, go p̃a leopunusi tea leana: Nalakena ragi edaku ki naatam̃oli wanogoe e pei natam̃ateana.

³⁸Go tea tapiri maga euga wo pei taua marisakiana: Ragi edaku ki tea sigisigileo maga ega wo pei tea taeluaana.

³⁹Go namautipauriana ni tea leana maga e pae Yehovah: E pei nasum̃a ni p̃aaka adeada ragi ni nariesokiana.

⁴⁰Go Yehovah e do silae ra, po do pualua ra: Ega wo pualua ra m̃elu dua ki tea sigisigileo maga, go ega wo mautipauri ra, Nalakena eu sava sili asa.