Read Nguna Togoa Etafe North SALAMO 4 Bible Online

SALAMO 4 - Nguna Togoa Etafe North bible

SALAMO 4

¹Salamo sikai ki David. Ragi waina aga vioso, p̃a vasadara au, Sup̃e leana aginau; Ragi waina a doko nariesokiana ku maginau mari a e p̃elewelea: P̃a saup̃ia ki nau, go p̃a rogo natapasavasaana aginau.

²Naatam̃oli natuda maga, nasamasamaana aginau ega wo pei nadododaoana pa pa paki seve ragi? Kuga wo dodomi tea p̃alo, po laaga nasorosoroana pa pa paki seve ragi? Selah.

³Ma kuga atae naga Yehovah e p̃otae lua tea dodomi‐dodomiana naga ega vei aneana: Yehovah ega wo dogo ragi waina aga vioso paki nia.

⁴Kuga mataku, po da mari naleo sa mau: Kuga noa e nap̃op̃omu one nawewele animu, go kuga tatam̃ate. Selah.

⁵Kuga vitua ki naviriana maga ni namarinaleoleanaana, Go kuga vavatu Yehovah.

⁶Tea laapa eu naga, Sei ega wo pisei ki gida tea wia? Yehovah, p̃a sike namarama ni naraem̃a paki gami.

⁷Ku pitua ki nalaelaeaana e doko nap̃op̃ogu, E p̃arua liu tea adeada ragi waina korn go waine adeada ero p̃arua.

⁸Aga wo one natano natam̃ateana po maturu: Nalakena nigo, Yehovah, ku masikim̃a mari au a doko p̃ia doko.