Read Nguna Togoa Etafe North SALAMO 42 Bible Online

SALAMO 42 - Nguna Togoa Etafe North bible

SALAMO 42

¹Maskil ki Korah natuna maga. Dapala waina diir sikai e do gaegae paki noai sara maga, Dapala nogoe naatagu e do gaegae paki‐go, Sup̃e O.

²Naatagu e do madou paki Sup̃e, paki Sup̃e mauri: Seve ragi aga wo paloti po pakilina narae ni Sup̃e?

³Naririmatagu maga eu pei navinaga aginau aleati go p̃ogi, Ragi waina eu do noa ki nau naaleatia mamau, Sup̃e anigo wai?

⁴Aga wo midoa ki tea maga wanogoe, po do da ki naatagu doko au, Nalakena aga wo sikoti taua pano, po maraki ra pa pa paki nasum̃a ki Sup̃e, Pilake nadaleo ni nakolalaelaeaana go ni nasamasamaniana, taua ni naatam̃oli maga waina eu do mari nasaisaiana.

⁵Ekasana ku do kolo pakitano, naatagu O? Go ekasana ku do dotorosova doko au? P̃a to leogoro Sup̃e: nalakena aga wo moro pasadodom̃ata ki nia. Nalakena mautipauriana maga ni naraena.

⁶Sup̃e aginau O, naatagu e do kolo pakitano doko au: Nalakena tea wanogoe aga wo midoa ki‐go pae navanua ni Yordan, Go Hermon maga, pae tava Misar.

⁷Epua e do pioso paki epua nalo ni nadaleo ni toroa anigo maga: Natavara anigo maga go napeao anigo maga eu mamau puti dap̃augoro au pano.

⁸Aleati Yehovah ega wo dip̃a ki nadodomiana aneana, Go p̃ogi nalegaana aneana ega wo sikoti au, Natapasavasaana sikai paki Sup̃e ni namauriana aginau.

⁹Aga wo noa ki Sup̃e, vatu laketoko aginau, aga wo naga, Ekasana ku malio ki nau? Ekasana a do malepu pano nalakena nariesokiana ki tea kokona?

¹⁰Dapala namarip̃oriana ni navatugu maga tea riesoki au maga eu pasapinoa ki nau; Ragi waina eu do noa ki nau naaleatia mamau, Sup̃e anigo wai?

¹¹Ekasana ku do kolo pakitano, naatagu O? Go ekasana ku do dotorosova doko au? P̃a to leogoro Sup̃e: nalakena aga wo moro pasadodom̃ata ki nia, Waina e pei namautipauriana maga ni naraegu, go Sup̃e aginau.