Read Nguna Togoa Etafe North SALAMO 46 Bible Online

SALAMO 46 - Nguna Togoa Etafe North bible

SALAMO 46

¹Nalegaana sikai. Sup̃e e manigida pei tokora ni nasavasiliana go nakasuaana, Nasilaeana vap̃aiana lomau ragi ni nariesokiana maga.

²Nalakena tea wanogoe tuga wo da mataku mau ragi waina maramana ega wo pano p̃ota, Go ragi waina tava maga euga wo parivari m̃aleoputo ni natasi maga;

³Noai kakana maga euga wo saruru po lotalota, Tava maga euga wo durururu ki navukaana kakana. Selah.

⁴Noai sara sikai e doko, arana maga eu do mari natokoana ku Sup̃e e laelaea, Tokora tapu ni nasum̃a‐tokoana maga ki Tea Vakilagi mau.

⁵Sup̃e e doko m̃aleoputo kakana; ega wo da parivari mau: Sup̃e ega wo silae a ragi ni namakotokotoana ni malip̃ogi.

⁶Nalauna maga eu midi, namarakiana maga eu parivari: E pitua ki nadaleona, maramana ega wo sara.

⁷Yehovah ki taua maga eu sikoti gida; Sup̃e ki Yakob e manigida pei tokora vakilagi sikai. Selah.

⁸Kuga umai, kuga vunusi nawosiana maga ki Yehovah, Waina e mari maso maladi maga maramana.

⁹E do mari navakalo maga eu makoto pa pa paki namatap̃ago ni maramana; Ega wo marip̃ori naasu po daekotovi naio; Ega wo dap̃ara ki kariot maga ki nakapu.

¹⁰Kuga toropusi, po atae naga kinau a pei Sup̃e: Aga wo pei tea vakilagi m̃aleoputo ni nalauna maga, aga wo pei tea vakilagi maramana.

¹¹Yehovah ki taua maga e sikoti gida; Sup̃e ki Yakob e manigida pei tokora vakilagi sikai. Selah.