Read Nguna Togoa Etafe North SALAMO 48 Bible Online

SALAMO 48 - Nguna Togoa Etafe North bible

SALAMO 48

¹Nalegaana sikai; Salamo sikai ki Korah natuna maga. Yehovah e pei tea warua, go ega vei tea samasamaniana warua liu, Natokoana ki Sup̃e anigida, tava tapu aneana.

²Tea leom̃atakiana ki navakilagiana, nalaelaeaana ni maramana mamau, Tava Sion, taleva maga ni north, Natokoana ki Nawota warua.

³Sup̃e e pei tea ataeana nasum̃a warua kakana maga naga e pei tokora vakilagi sikai.

⁴Nalakena, kuga leo, nawota maga eu saisai, Eu pei taua liu pano.

⁵Nara eu punusi a, ragi wanogoe eu saram̃akoto; Eu mataku p̃arua, eu sava pano.

⁶Narurururuana e puati ra tokora wanogoe; Navitinuana tapala tea ni tea visola sikai.

⁷Ki nalagi ruatu P̃a wo marip̃oraworae shipe maga ni Tarshish.

⁸Dapala waina tu dogo e, dapala nogoe tu po punusi a Natokoana ki Yehovah ni taua maga, natokoana ki Sup̃e anigida: Sup̃e ega wo lawokilaketoko asa pa pa ega tu mau du. Selah.

⁹Au midoa ki nadodomiana anigo, Sup̃e O, M̃aleoputo ni nasum̃a tapu anigo.

¹⁰Dapala nagisam̃a, Sup̃e O, Dapala nogoe nasamasamani‐koana e doko pa pa paki namatap̃ago maga ni maramana: Nam̃elearum̃a ni matua e pura ki namarinaleoleanaana.

¹¹Tava Sion ega laelaea, Yudah natuna nagoroi maga euga sokamidi, Nalakena navasap̃otaeana anigo maga.

¹²Kuga surata davivi Sion, go kuga taliviri ki nia: Kuga veve nasum̃a ni p̃aaka varau pakilagi kakana maga.

¹³Kuga lawo ki nap̃op̃omu nakoro ni p̃aaka kakana maga, Kuga leousiusi nasum̃a warua kakana maga; Naga kuga rogorogo ki nia paki tagona edaku.

¹⁴Nalakena Sup̃e waia e pei Sup̃e anigida pa pa e du du po du mau du: Nae ega wo maraki gida pa pa paki namateana.