Read Nguna Togoa Etafe North SALAMO 49 Bible Online

SALAMO 49 - Nguna Togoa Etafe North bible

SALAMO 49

¹Salamo sikai ki Korah natuna maga. Kuga rogo tea waia, nalauna maga mamau puti; Kuga takidorogo, tea maga mamau puti waina ku doko maramana:

²Tea vakitano maga, go tea vakilagi maga, Tea vei sogolapa go tea tika kuga mamau.

³Nawokagu ega wo pasa namanumatuaana; Go namidodoana ni nap̃op̃ogu ega wo pei namidoakiataeana.

⁴Aga wo da ki nadaligagu paki naluluakiana sikai: Aga wo lagai navasamaluluakiana aginau ki harp.

⁵Ekasana aga mataku naaleatia maga ni nasaana, Ragi waina namarinaleotageleana ki tea kusugoro au maga ega wo dalivirigoro au?

⁶Tea maga waina eu do pavatu nakasuaana adeada, Po do pakavakae nalapalapaana ni nasogolapaana adeada;

⁷Sikai kakada e da mariatae daulua taina mau, Naatam̃oli e marisap̃o dua Sup̃e naulu ni natap̃augoroana kakana:

⁸(Nalakena naulu ni natauluanaatada‐ana e madaga, Go e dika pa pa e du mau du:)

⁹Naga ega ta mauri pa pa ega tu mau du, Naga ega ta punusi namesoana mau.

¹⁰Nalakena ega wo punusi a: tea manumatua maga euga wo mate. Tea vei lala go tea tapala nalo tuavati euga wo pei taua puoli, Po magi tea p̃ota maga doropusi nasogolapaana adeada.

¹¹Namidodoana ni nap̃alauda e pei naga nasum̃a adeada maga euga wo doko mau doko, Go natokoana adeada maga pa pa paki tagona go tagona; Eu soso natano adeada maga pae nagisada.

¹²Ma naatam̃oli ega wo da doko nadodomadaganiana mau: E dakiusi nalo tuavati maga waina eu pei tea maripuolikiana.

¹³Tea wanogoe e pei napua adeada, naveilalaana adeada: Ma tea maga waina eu dausi ra euga wo midoakim̃ata ki navasaana adeada maga. Selah.

¹⁴Eu pei tea kopasiana dapala navata ni shiip paki Sheol pano; Namateana ega wo pei tea leo parati ki da: Go tea leana maga euga wo maramara dap̃au ra malip̃ogi; Go namaridawonakiana kakada Sheol ega wo mari sa ki nia naga ega ta moro doko mau.

¹⁵Ma Sup̃e ega wo daulua naatagu m̃elu dua ki nam̃elearu ni Sheol: Nalakena ega wo piragisoki au. Selah.

¹⁶P̃a ta mataku mau ragi waina naata sikai e po pei sogolapa, Ragi waina nasamasamaana ni nasum̃a aneana e po p̃arua:

¹⁷Nalakena ragi waina ega wo mate ega wo da dape te navatuna pano mau; Nasamasamaana aneana ega wo da dausi a siwo pano mau.

¹⁸Nalakena ragi waina e mauri doko e pasap̃ia ki naatana, Go euga wo pasasamasamani ko nalakena ku dum̃am̃a marim̃ata ki‐go,

¹⁹Ega wo paki tagona ni tamana maga; Euga wo da punusi namarama mau pa pa ega tu mau du.

²⁰Naatam̃oli waina e doko nadodomadaganiana, po da midoakiatae mau, E dakiusi nalo tuavati maga waina eu pei tea maripuolikiana.