Read Nguna Togoa Etafe North SALAMO 5 Bible Online

SALAMO 5 - Nguna Togoa Etafe North bible

SALAMO 5

¹Salamo sikai ki David. P̃a ta ki nadaligam̃a paki nanoaana aginau maga, Yehovah O, P̃a vunusi namidodoana aginau.

²P̃a takidorogo nadaleo ni nakuapiosoana aginau, Nawota aginau, go Sup̃e aginau: Nalakena aga wo dapasavasa paki‐go.

³Yehovah O, p̃a wo dogo nadaleogu malip̃ogi; Malip̃ogi aga wo marimatana ki natapasavasaana aginau paki‐go, go aga wo do leogoro.

⁴Nalakena nigo ku da pei Sup̃e sikai waina ku masau nasigisigileoana mau: Tea sa ega wo da m̃enaki sikoti ko mau.

⁵Tea leomadaga maga euga wo da lawodu kivea ki namatam̃a maga mau: Ku pilosi tea maga mamau puti waina eu do mari namarinaleotageleana.

⁶P̃a wo maripuoli ki tea vasa nasorosoroana maga: Naatam̃oli ni nada go ni namarisoreana Yehovah e mamarago ki nia.

⁷Ma kinau, aga wo paloti paki nasum̃a anigo nalapalapaana ni nadodomiana anigo: Aga wo suai natano paki nasum̃a tapu anigo namatau‐ki‐go‐ana.

⁸Yehovah O, p̃a maraki au ega vae namarinaleoleanaana anigo nalakena tea kokona ki nau maga; P̃a mari napua anigo ega leana kivea ki naraegu.

⁹Nalakena tea vei lomau e da doko nawokada mau; Nap̃alauda e pei namarisakiana maga: Namanuda e pei matigo wolagatiana sikai; Eu mari namenada e m̃om̃oaa.

¹⁰P̃a tip̃akotovi ra, Sup̃e O; Euga wo dowo pae namidoakip̃otaeana adeada maga: P̃a tosiva ki da pano doko nalapalapaana ni natapiriana adeada maga. Nalakena eu mari p̃auluulu paki‐go.

¹¹Go tea maga mamau puti waina eu do pavatu ako euga wo laelaea, Euga wo kolalaelaea pa pa ega tu mau du, nalakena p̃a wo kovagoro ra; Go tea maga waina eu do dodomi nagisam̃a euga wo darasa ako.

¹²Nalakena nigo p̃a wo pasap̃ia ki tea leana; Yehovah O, p̃a wo dalivirigoro e ki nasaup̃iaana ega tapala nakokoro sikai.