Read Nguna Togoa Etafe North SALAMO 54 Bible Online

SALAMO 54 - Nguna Togoa Etafe North bible

SALAMO 54

¹Maskil ki David; ragi waina naka ni Sif eu rumai po noa ki Saul, David e da dokoloku sikoti gami kite? Sup̃e O, p̃a mautipauri au pae nagisam̃a, Go p̃a vasap̃otae au pae namarimatuaana anigo.

²Sup̃e O, p̃a rogo natapasavasaana aginau; P̃a takidorogo nanoaana maga ni nawokagu.

³Nalakena tea kokona maga eu duleana dip̃a au, Go tea vakamatakua maga eu laaga naatagu: Eu da lawo ki Sup̃e kivea ki da mau. Selah.

⁴Kuga leo, Sup̃e e pei tea silae au: Nawota e sikoti tea maga waina eu do silae naatagu.

⁵Ega wo mari tea sa wanogoe ega liliu paki tea maga waina eu kokona ki nau: P̃a mari ra euga vunuta ega vae nalomauana anigo.

⁶Aga wo mari naviriana paki‐go ki navituaana suasuakiana sikai: Aga wo pasadodom̃ata ki nagisam̃a, Yehovah O, nalakena e p̃ia.

⁷Nalakena e po pualua au m̃elu dua ki sara nariesokiana; Go namatagu e po leopunusi tea kokona ki nau maga.