Read Nguna Togoa Etafe North SALAMO 57 Bible Online

SALAMO 57 - Nguna Togoa Etafe North bible

SALAMO 57

¹Salamo sikai ki David: Miktam: ragi waina e sava pa dua ki narae ni Saul pano, valea. P̃a saup̃ia ki nau, Sup̃e O, p̃a saup̃ia ki nau; Nalakena naatagu e sava sili ako: Go aga wo sava sili melu ni nalivarum̃a maga, Pa pa namarisakiana maga waia euga wo liu pano.

²Aga wo pioso paki Sup̃e Tea Vakilagi mau; Paki Sup̃e waina e do maginau mari sua.

³Ega wo dip̃akilua pae nakoroatelagi umai, po mauti pauri au, Ragi waina tea waina e do marodip̃a au e do pasapinoa; Selah. Sup̃e ega wo dip̃akilua nadodomiana aneana go nalomauana aneana umai.

⁴Naatagu e doko m̃aleoputo ni laion maga; Aga wo one natano m̃aleoputo ni tea soro maga, Naatam̃oli natuda maga, waina napatida eu pei naio maga go nalua maga, Go namenada e pei lova makali sikai.

⁵P̃a vei tea vakilagi dap̃au nakoroatelagi maga Sup̃e O; Nasamasamaana anigo ega vakilagi dap̃au maramana mamau.

⁶Eu lawo ki kup̃ena sikai raki navasiana aginau maga; Naatagu e kolo pakitano: Eu kili m̃orutano sikai naraegu; Eu dowo paki m̃aleoputo kakana. Selah.

⁷Nap̃op̃ogu e pei tea lawokilaketokoana, Sup̃e O, nap̃op̃ogu e pei tea lawokilaketokoana: Aga wo lega, go aga wo lega samasamani.

⁸P̃a tarapa, nasamasamaana aginau; koroga tarapa, salteri go harp; Aga wo pulevule ragi ni namakotokotoana.

⁹Aga wo pasadodom̃ata ki‐go, Nawota O, m̃aleoputo ni narei maga: Aga wo lega‐samasamani ko m̃aleoputo ni nalauna maga.

¹⁰Nalakena nadodomiana anigo e p̃arua pa pa paki nakoroatelagi maga, Go nalomauana anigo pa pa paki napopouru maga.

¹¹P̃a vei tea vakilagi dap̃au nakoroatelagi maga, Sup̃e O; Nasamasamaana anigo ega vakilagi dap̃au maramana mamau.