Read Nguna Togoa Etafe North SALAMO 60 Bible Online

SALAMO 60 - Nguna Togoa Etafe North bible

SALAMO 60

¹Miktam ki David, naga ega vasapiseiki: ragi waina e mari navakalo paki Aram‐naharaim go paki Aramsobah, go Yoab e liliu, po atugi Edom Nap̃aloa ni Natasimena naatam̃oli tivilia sikai go manu dua. Sup̃e O, ku dip̃adoa gami, ku marip̃orae gami; Ku maeto; p̃a viragi gami auga liliu.

²Ku mari navanua e durururu; ku puap̃orae a: P̃a marip̃onoti malo mawora kakana maga; nalakena e do parivari.

³Ku mari narei anigo eu punusi tea kasua: Ku mari gami au munu waine ni natarataaraana.

⁴Ku dua tea maga waina eu matau ki‐go manututu sikai, Naga ega vei tea sikeana pakilagi nalakena nalomauana. Selah.

⁵Naga tea dodomiana anigo maga euga vei tea vualuaana, P̃a mautipauri pae nam̃elearum̃a ni matua, go p̃a vasadara gami.

⁶Sup̃e e pasa doko natapuana aneana; aga wo darasa: Aga wo dap̃otae Shekem, po dowogi nap̃aloa ni Sukkoth.

⁷Cilead e pei aginau, go Manasseh e pei aginau; Go Efraim e pei p̃aaka ni nap̃augu; Yudah e pei tiko ni naveinawotaana aginau.

⁸Moab e pei pot ni nasarueana aginau; Aga wo nadi ki nam̃elevasiana aginau paki Edom: Filistia, p̃a vioso‐laelaea nalakena kinau.

⁹Sei ega wo piragi au paki natokoana ni p̃aaka? Sei e maraki au pa pa paki Edom?

¹⁰Nigo, Sup̃e O, ku da dip̃adoa gami kite? Go ku da dave, Sup̃e O, sikoti taua aginami maga pano mau.

¹¹P̃a tua gami nasilaeana pa dua ki tea riesoki: Nalakena namautipauriana ki naatam̃oli e pei tea m̃oli.

¹²Tuga wo marimatua pae Sup̃e: Go nae ega wo pasi tea maga waina eu diesoki gida.