Read Nguna Togoa Etafe North SALAMO 61 Bible Online

SALAMO 61 - Nguna Togoa Etafe North bible

SALAMO 61

¹Salamo sikai ki David. Sup̃e O, p̃a rogo nakuapiosoana aginau; P̃a takidorogo natapasavasaana aginau.

²Aga wo pioso paki‐go pae namatap̃ago ni maramana ragi waina nap̃op̃ogu e pei tea tap̃augoroana: P̃a wo maraki au paki vatu laketoko waina e pakilagi liu au.

³Nalakena ku maginau pei tokora ni nasavasiliana, Nasum̃a ni p̃aaka varau pakilagi kasua pa dua ki narae ni tea kokona.

⁴Aga wo m̃enaki tap̃aup̃au anigo pa pa ega tu mau du: Aga wo sava sili tokora ni natokolokuana ni nalivarum̃a maga. Selah.

⁵Nalakena nigo, Sup̃e O, ku dogo nasaiana aginau maga: Ku dua au tea veaniana ki tea maga waina eu do matau ki nagisam̃a.

⁶P̃a wo sokari naaleatia maga ki nawota ki naaleatia maga: Natau aneana maga euga wo dakiusi tagona laapa.

⁷Ega wo doko narae ni Sup̃e pa pa ega tu mau du: P̃a tawona ki nadodomiana go nalomauana, naga eroga vavaigoro e.

⁸Dapala nogoe aga wo lega‐samasamani nagisam̃a pa pa ega tu mau du, Naga aga lagati‐mari nasaiana aginau maga sara naaleatia.