Read Nguna Togoa Etafe North SALAMO 62 Bible Online

SALAMO 62 - Nguna Togoa Etafe North bible

SALAMO 62

¹Salamo sikai ki David. Naatagu e punuta paki Sup̃e sikina: Namautipauri‐au‐ana e pae asa umai:

²Nae e sikina pei vatu laketoko aginau, go namautipauri‐au‐ana: Tokora vakilagi aginau; aga wo da parivari p̃arua mau.

³Kuga wo sava dip̃a naatam̃oli sikai pa pa paki seve ragi, Naga kuga mamau puti maripunue a, Dapala nakoro sikai waina e marie go kotaku sikai waina e pei tea tosivakiana?

⁴Eu do pusum̃aki sikina naga euga tosiva ki nia m̃elu dua ki navakilagiana aneana; Eu do maro nasorosoroana: Eu do pasap̃ia ki pae nawokada, go eu do pasasa ki pae nap̃alauda. Selah.

⁵Naatagu, p̃a vunuta paki Sup̃e ega sikina; Nalakena naleogoroana aginau e pae asa umai.

⁶Nae e sikina pei vatu laketoko aginau go namautipauri‐au‐ana: Tokora vakilagi aginau; aga wo da parivari mau.

⁷Namautipauri‐au‐ana e sikoti Sup̃e go nasamasamaana aginau: Vatu laketoko ni nakasuaana aginau, go tokora ni nasavasiliana aginau e doko Sup̃e.

⁸Kuga vavatu asa sara ragi, narei O; Kuga ta ki nap̃op̃omu naraena: Sup̃e e manigida pei tokora ni nasavasiliana sikai. Selah.

⁹Naatam̃oli vakitano maga eu pei namero sikai sikina, naatam̃oli vakilagi maga eu pei nasorosoroana sikai: Eu pe toko lasa totowo maga eu pe vakilagi; Nara eu pei taua masalesale liu namero sikai.

¹⁰Kuga ta pavatu namaripavakotoana mau, Go kuga ta masau natapepavakotoana mau: Nasogolapaana e pe risu po p̃arua, kuga ta lawo ki nap̃op̃omu asa mau.

¹¹Sup̃e e paka sikai pasa, A paka rua dogo tea waia; Naga nakasuaana e pei tea ki Sup̃e:

¹²Go nadodomiana e pei tea anigo, Nawota O: Nalakena nigo p̃a wo lagati‐dua sara naatam̃oli ega tapala nawosiana adeada.