Read Nguna Togoa Etafe North SALAMO 63 Bible Online

SALAMO 63 - Nguna Togoa Etafe North bible

SALAMO 63

¹Salamo sikai ki David, ragi waina e doko masop̃alo ni Yudah. Sup̃e O, nigo ku pei Sup̃e aginau; aga wo laaga ako m̃araverave: Naatagu e madou paki‐go, nap̃okasigu e masau p̃arua ki‐go, Navanua garagara go mawosa waina noai e dika asa.

²Naga aga vunusi nakasuaana anigo go nasamasamaana anigo dapala waina a leopunusi ko tokora tapu.

³Nalakena nadodomiana anigo e p̃ia liu namauriana; Nagolegu eroga wo pasasamasamani ko.

⁴Dapala nogoe aga wo pasap̃ia ki‐go ragi waina aga ko mauri doko: Aga wo sike nam̃elearugu maga nagisam̃a.

⁵Naatagu ega wo maro dapala ki namarae go nam̃aladua; Go nawokagu ega wo samasamani ko ki nagole maga ni nakolalaelaeaana;

⁶Ragi waina aga midoa ki‐go nawewele aginau, Aga wo damaniginigi ako navavaigoroana maga ni p̃ogi.

⁷Nalakena ku maginau pei nasilaeana, Go aga wo laelaea doko melu ni nalivarum̃a maga.

⁸Naatagu e do dausi puluvuluti ko: Nam̃elearum̃a ni matua e do silae au.

⁹Ma nara waina eu do laaga naatagu naga euga marisa ki nia, Euga wo paki tokora maga ni etano ni maramana.

¹⁰Euga wo pei tea vituakiana paki nam̃elearu ni lova: Euga wo pei tea veanip̃otaeana ki koria mila maga.

¹¹Ma nawota ega wo laelaea Sup̃e: Tea maga waina eu pivisa pae asa euga wo pakavakae; Nalakena nawoka ni tea maga waina eu do pasa nasorosoroana ega wo pei tea wogoroana.