Read Nguna Togoa Etafe North SALAMO 64 Bible Online

SALAMO 64 - Nguna Togoa Etafe North bible

SALAMO 64

¹Salamo sikai ki David. Sup̃e O, p̃a rogo nadaleogu namidodoana aginau: P̃a vavaigoro namauriana aginau pa dua ki namatakuana ni tea kokona.

²P̃a tasuru ki nau pa dua ki nasekeana ki tea maga waina eu do mari naleo sa; Pa dua ki taua ni tea maga waina eu do mari namarinaleotageleana:

³Waina eu pakali namenada dakiusi lova, Waina eu dutua ki nalua adeada, navasaana kokona:

⁴Naga euga tipe tea wialua tokora ni natokolokuana maga: Euga wo dipe a m̃araverave, po da mataku mau.

⁵Eu do dum̃ada mari ra eu kasua naleo sa sikai; Eu do dogorogo ki natasurukiana ni vaivai maga; Eu naga, Sei ega wo punusi ra?

⁶Eu do midoakilaaga namarinaleotageleana maga; eu naga, Au po marisua namidoakilaagaparatikiana sikai: Go namidodoana ni nap̃alau ni naatam̃oli, go nap̃op̃oda, e pakipua.

⁷Ma Sup̃e ega wo dipe ra; Euga wo pei tea atugiana m̃araverave ki nalua sikai.

⁸Go euga wo pei tea mariana euga tapilagona, namenada e dip̃a ra: Tea maga waina euga wo leopunusi ra euga wo sava pano.

⁹Go naatam̃oli maga mamau puti euga wo mataku; Go euga wo dogorogo ki nawosiana ki Sup̃e, Po midoakiatae namariana aneana.

¹⁰Tea leana ega wo laelaea Yehovah, go ega wo pavatu asa; Go tea p̃op̃o‐leana maga mamau puti euga wo pakavakae asa.