Read Nguna Togoa Etafe North SALAMO 70 Bible Online

SALAMO 70 - Nguna Togoa Etafe North bible

SALAMO 70

¹Salamo sikai ki David; naga ega mari ega vei tea midoakiana. Sup̃e O, p̃a mari m̃araverave naga p̃a vualua au; Yehovah O, p̃a mari m̃araverave naga p̃a silae au.

²Tea maga waina eu do laaga naatagu. Euga maliere po matamaliere: Tea maga waina eu do maro nasaana aginau. Euga vei tea mariana euga liliu pano po pei tea dododaoana.

³Tea maga waina eu do naga, Aha, Aha, Euga liliu pano nalakena namaliereana adeada.

⁴Tea maga mamau puti waina eu do laaga ako euga sokamidi po do laelaea ako; Go tea maga waina eu do dodomi namautipauriana anigo euga to noa sara ragi, Sup̃e ega vei tea warua.

⁵Ma kinau a pei tea rogokitesa go tea tika; Sup̃e O, p̃a maginau mari m̃araverave: Nigo ku pei nasilae‐au‐ana go tea vualua au; Yehovah O, p̃a ta mari daliali mau.