Read Nguna Togoa Etafe North SALAMO 76 Bible Online

SALAMO 76 - Nguna Togoa Etafe North bible

SALAMO 76

¹Salamo sikai ki Asaf, Nalegaana sikai. Sup̃e e pei tea ataeana Yudah: Nagisana e p̃arua Israel.

²Go tap̃aup̃au aneana e doko Salem, Go natokoana aneana e doko Sion.

³Tokora wanogoe e marip̃oriwori nalua maga ni naasu; Nakokoro, go lova, go navakalo. Selah.

⁴Nigo ku pei tea maramalaga go tea tatap̃au, p̃arua liu tava maga ni natapepavakotoana.

⁵Tea p̃op̃o kasua maga eu pei tea vutiluapavakotokiana, eu maturu namaturuana adeada; Go naatam̃oli maga ni namarimatuaana te seara kakada eu da pap̃ai nam̃elearuda mau.

⁶Nalakena navasakasuaana anigo, Sup̃e ki Yakob O, Kariot go horse eu pei tea mariana eu maturu daratara.

⁷Nigo ku pei tea waina p̃a vei tea mataukiana, nigo: Go sei ega wo lawodu naraem̃a ragi waina p̃a wo maeto?

⁸Ku mari navasap̃otaeana e pei tea rogoana pae nakoroatelagi; Maramana e mataku, po dam̃ate doko,

⁹Ragi waina Sup̃e e duleana paki navasap̃otaeana, Naga ega mautipauri tea matemate maga mamau puti ni maramana. Selah.

¹⁰Nalakena namaetoana ki naatam̃oli ega wo samasamani ko: Namagovai ni namaetoana maga waina e ko doko p̃a wo dum̃am̃a otisoki ko asa.

¹¹Kuga sai, go kuga lagati‐dua Yehovah Sup̃e animu: Tea maga mamau puti waina eu doko dalivirigoro e euga magi tea waina ega vei tea mataukiana dape navituaana maga umai.

¹²Ega wo daelua naata ni tea maraki maga: E pei tea waina ega vei tea mataukiana pae nawota maga ni maramana.