Read Nguna Togoa Etafe North SALAMO 77 Bible Online

SALAMO 77 - Nguna Togoa Etafe North bible

SALAMO 77

¹Salamo sikai ki Asaf. Aga wo kuapioso ki nadaleogu paki Sup̃e; Ki nadaleogu paki Sup̃e, go ega wo da ki nadaligana paki nau.

²Naaleatia ni nariesoki‐au‐ana a laaga Nawota asa: Nam̃elearugu e pei tea saikiana p̃ogi, po da pinavinauta mau; Naatagu e karai naga ega vei tea vasapakavakaleana.

³A do midoa ki Sup̃e, po do gi: A do midodoa, go naatagu e pei tea tap̃augoroana. Selah.

⁴Ku puasoki namatagu ero do leleo: A pari, go a marisa pasa.

⁵A midoakiusiusi naaleatia maga ni tuai, Natau maga ni ragi vea mau maga.

⁶A do midoa ki nalegaana aginau ni p̃ogi: A do midodoa sikoti nap̃op̃ogu; Go naatagu e midoakilaaga.

⁷Nawota ega wo dip̃adoa pa pa ega tu mau du kite? Go ega wo da moro saup̃ia kite?

⁸Nadodomiana aneana e nopu pa pa e du mau du kite? Nanoaana aneana e makoto pa pa paki tagona go tagona kite?

⁹Sup̃e e malio ki naga ega saup̃ia kite? E p̃ogoro namaritadodomiana aneana maga ki namaetoana kite? Selah.

¹⁰Go a naga, Tea wanogoe e mari au a sasana; Ma aga wo midoa ki natau maga ni nam̃elearu ni matua ni Tea Vakilagi mau.

¹¹Aga wo pasalagati namariana maga ki Yah; Nalakena aga wo midoa ki tea ni namagaana anigo maga ni tuai.

¹²Go aga wo damaniginigi nawosiana anigo mamau, Go aga wo midodoa namariana anigo maga.

¹³Sup̃e O, napua anigo e doko natapuana: Seve sup̃e e p̃arua dakiusi Sup̃e?

¹⁴Nigo ku pei Sup̃e waina ku do mari tea ni namagaana maga: Ku mari nakasuaana anigo e pei tea ataeana m̃aleoputo ni nalauna maga.

¹⁵Ku daulua narei anigo ki narum̃a, Yakob go Yosef natuda maga. Selah.

¹⁶Noai maga eu punusi ko, Sup̃e O; Noai maga eu punusi ko, eu mataku: Go epua maga eu durururu.

¹⁷Napopouru maga eu da ki noai; Nakoroatelagi maga eu pitua ki nadaleo: Go nalua anigo maga eu pano pa sara.

¹⁸Nadaleo ni tovae anigo e doko suitaviro; Navila maga eu maramalagati maramana: Navanua e durururu po parivari.

¹⁹Napua anigo e doko natasi, Go nasurataana anigo maga eu doko noai warua maga, Go naatum̃eleana anigo maga eu da pei tea ataeana mau.

²⁰Ku maraki narei anigo eu dapala navata sikai. Pae nam̃elearu ni Moses go Aaron.