Read Nguna Togoa Etafe North SALAMO 8 Bible Online

SALAMO 8 - Nguna Togoa Etafe North bible

SALAMO 8

¹Salamo sikai ki David. Yehovah O, Nawota aginami, Nagisam̃a e p̃arua pa maramana mamau! Waina p̃a vitua ki nasamasamaana anigo ega toko elagi ni nakoroatelagi maga.

²Ku mari nasamasamaniana wia e dave nawoka ni pipia maga go tea susu maga, Nalakena tea kokona ki‐go maga, Naga p̃a mari tea kokona go tea sikosiko eroga makoto ki nia.

³Ragi waina a do punusi nakoroatelagi anigo maga, nawosiana ni nakinim̃a maga, Atelagi go m̃asoe maga waina ku lawokilaketoko ara;

⁴Naatam̃oli e pei nasava, naga p̃a midoa ki nia? Go naatam̃oli natuna, naga p̃a umai punusi a?

⁵Go ku mari a e pakitano kiki ki agelo maga, Go ku p̃auvau ki nia ki nasamasamaana go nadodomadaganiana.

⁶Ku mari a e maramara dap̃au nawosiana maga ni nam̃elearum̃a maga; Ku doropusi sara naleo eu doko etano ki nam̃elena maga:

⁷Shiip maga go oks maga mamau puti, Go nalo mila maga ni namalasi;

⁸Manu maga ni nakoroatelagi, go naika maga ni natasi, Tea maga waina eu do pano duaduru napua maga ni natasi maga.

⁹Yehovah O, Nawota aginami, Nagisam̃a e p̃arua pa maramana mamau!