Read Nguna Togoa Etafe North SALAMO 81 Bible Online

SALAMO 81 - Nguna Togoa Etafe North bible

SALAMO 81

¹Salamo sikai ki Asaf. Kuga kola laelaea paki Sup̃e nakasuaana anigida: Kuga marip̃arai laelaea paki Sup̃e ki Yakob.

²Kuga sike nalegaana, go kuga tuki timbrel, Harp masauniana ega vilake salteri.

³Kuga sui paiga atelagi vau, Atelagi mamau, naaleatia ni nasaisaiana anigida.

⁴Nalakena tea wanogoe e magi Israel pei natawonakiana sikai, Navasap̃otaeana sikai ki Sup̃e ki Yakob.

⁵E lawo ki nia doko Yosef e pei nanoasokisokiana sikai, Ragi waina e dave duaduru navanua ni Ityipt umai: Tokora waina a dogo nagole asa waina a da atae a mau.

⁶A mari napauna e m̃elu dua ki natapetapeana pano: Nam̃elearuna ero marua ki nala pano.

⁷Ku doko nariesokiana po pioso, go a pualua ko; A pasadara ko tokora ni natokolokuana ni tovae; A maridogo ko pisari noai maga ni Meribah. Selah.

⁸Kuga rogo, narei aginau O, go aga wo noasokisoki paki mu: Israel O, ku pe rogo parati ki nau!

⁹Te sup̃e p̃ota sikai ega ta doko ako mau; Go p̃a ta suai natano paki te sup̃e p̃ota sikai mau.

¹⁰Kinau a pei Yehovah Sup̃e anigo, Waina a piragilua ko m̃elu dua ki navanua ni Ityipt sake umai: P̃a maga p̃elewelea ki nawokam̃a, go aga wo pakavuro e.

¹¹Ma narei aginau eu da dogo parati ki nadaleogu mau; Go Israel e da masau au mau.

¹²Go a pitua ki da paki nakasuaana ni nap̃op̃oda, Naga euga surata pae namidoakip̃otaeana adeada maga.

¹³Narei aginau eu pe rogo parati ki nau, Go Israel e pe surata pae napua aginau maga!

¹⁴A pe mari tea kokona ki da maga eu pe titip̃atua m̃araverave, Go paki tea riesoki ra maga a pe rosaliliua ki nam̃elearugu.

¹⁵Tea vilosi Yehovah maga eu pe toko etano paki nia: Ma ragi adeada e pe tu mau du.

¹⁶Go e pe vagani ra ki nam̃aladua ni whiit: Go a pe mari ko ku pe maro ki honi waina e m̃elu vatulaketoko.