Read Nguna Togoa Etafe North SALAMO 89 Bible Online

SALAMO 89 - Nguna Togoa Etafe North bible

SALAMO 89

¹Maskil ki Ethan nawora ni Serah. Aga wo lega nadodomiana maga ki Yehovah pa pa ega tu mau du: Aga wo mari naveilomauana anigo ega vei tea ataeana pa pa paki tagona go tagona ki nawokagu.

²Nalakena a naga, Nadodomiana ega wo pei tea tavagiana pa pa ega tu mau du; Nakoroatelagi maga p̃a wo lawokilaketoko naveilomauana anigo ara.

³A mari navasasokiana sikai paki tea matadoaana aginau, A pivisa paki David, tea suasua aginau;

⁴Aga wo lawokilaketoko naworaworam̃a pa pa ega tu mau du, Go aga wo davagi malo tasake anigo pa pa paki tagona go tagona. Selah.

⁵Go nakoroatelagi maga euga wo samasamani tea ni namagaana anigo maga, Yehovah O; Go naveilomauana anigo nasaisaiana ki tea tapu maga.

⁶Nalakena sei ni nakoroatelagi e pei totowo ma Yehovah? Sei m̃aleoputo ni tea kasua natuda maga e dakiusi Yehovah?

⁷Sup̃e waina e pei tea mataukiana warua natoko‐pusum̃aki‐ana ki tea tapu maga, Go tea mataukiana dap̃au tea maga mamau puti waina eu doko dalivirigoro e.

⁸Yehovah, Sup̃e ki taua maga, Sei e kasua dakiusi ko, Yah O? Go naveilomauana anigo e doko dalivirigoro ko.

⁹Nigo ku do maramara dap̃au navukaana ni natasi: Ragi waina napeao kakana maga eu pakilagi, nigo ku do atumate ra.

¹⁰Nigo ku marip̃oraworae Rahab dapala tea maripunueana sikai; Ku daperavera ki tea kokona ki‐go maga ki naru ni nakasuaana anigo.

¹¹Nakoroatelagi maga eu pei anigo, navanua ma e pei anigo: Maramana go navuraana kakana, nigo ku lawo ki da.

¹²North go sauth, nigo ku dawona ki da: Tabor go Hermon ero kola‐laelaea nagisam̃a.

¹³Nigo ku pilake narum̃a sikai ni namarimatuaana; Nam̃elearum̃a e kasua, go nam̃elearum̃a ni matua e pakilagi.

¹⁴Namarinaleoleanaana go navasap̃otaeana ero pei laketano ni malo tasake anigo: Nadodomiana go nalomauana ero do pea ki naraem̃a.

¹⁵Ae namaropaana ki narei waina eu atae namarip̃arai‐laelaeaana! Yehovah O, euga wo surata namarama ni naraem̃a.

¹⁶Euga wo laelaea p̃arua nagisam̃a naaleatia mamau: Go euga wo pei tea sikeana pakilagi doko namarinaleoleanaana anigo.

¹⁷Nalakena nigo ku pei nasamasamaana ni nakasuaana adeada: Go napati ni nap̃augami ega wo pei tea sikeana pakilagi doko nasaup̃iaana anigo.

¹⁸Nalakena nakokoro aginami e pei agi Yehovah; Go nawota aginami e pei agi Tea Tapu ki Israel.

¹⁹Ragi wanogoe ku pasa doko navunusiana paki tea dodomi‐dodomiana anigo maga, Po naga, A doropusi nasilaeana e doko tea marimatua sikai; A sike pakilagi ki tea matadoaana sikai m̃elu narei.

²⁰A pap̃ai David tea suasua aginau; A puvurai ki nia ki naroro tapu aginau:

²¹Waina nam̃elearugu ega wo pei tea lawokilaketokoana sikoti a; Go waina narugu ega wo mari a ega kasua.

²²Tea kokona ega wo da dapelua kiana mau; Go natu ni nasigisigileoana ega wo da mari a ega rogo kite sa mau.

²³Go aga wo duki tea kokona ki nia maga euga wo dowo pa dua ki naraena, Go aga wo atugi tea maga waina eu pilosi a.

²⁴Ma naveilomauana aginau go nadodomiana aginau eroga wo sikoti a doko; Go napati ni nap̃auna ega wo pei tea sikeana pakilagi doko nagisagu.

²⁵Go aga wo lawo ki nam̃elearuna doko natasi, Go nam̃elearuna ni matua doko noai sara maga.

²⁶Nae ega wo pioso paki nau, Nigo ku pei mama, Sup̃e aginau, go vatulaketoko ni namautipauri‐au‐ana.

²⁷Go kinau aga wo mari a, takalapa aginau, Ega vakilagi liu nawota maga ni maramana.

²⁸Aga wo maneana pavaigoro nadodomiana aginau pa pa ega tu mau du, Go navasasokiana aginau ega wo pei lomau paki nia.

²⁹Go aga wo lawo ki naworaworana pa pa ega tu mau du, Go malo tasake aneana ega tapala naaleatia maga ni nakoroatelagi.

³⁰Natuna maga eu pe toropusi nawotaeana aginau, Go eu pe ta surata pae navasap̃otaeana aginau maga mau;

³¹Eu pe tapiri natawonakiana aginau maga, Po da pavaigoro natip̃akiana aginau maga mau;

³²Ragi wanogoe a pe wo pa punusi natapiriana adeada pilake nakau varati, Go namarinaleotageleana adeada pilake navaratiana maga.

³³Ma aga wo da dapelua nadodomiana aginau kiana mau, Go aga wo da mari‐sorosoro nalo ni naveilomauana aginau mau.

³⁴Aga wo da dapiri navasasokiana aginau mau, Go aga wo da mari tea waina e m̃elu nagolegu maga ega vanop̃ota mau.

³⁵A pivisa tea sikai doko natapuana aginau; Aga wo da soro David mau;

³⁶Naworaworana euga wo doko pa pa ega tu mau du, Go malo tasake aneana ega tapala elo kivea ki‐nau.

³⁷Ega wo pei tea lawokilaketokoana pa pa ega tu mau du dapala atelagi, Go dapala tea noasokisoki ni nakoroatelagi e pei lomau. Selah.

³⁸Ma nigo ku doropusidao po dip̃adoa, Ku maeto ki tea vuvuraikiana anigo.

³⁹Ku mamarago ki navasasokiana paki tea suasua anigo: Ku mari vauvau aneana e pei tea m̃oli paki natano.

⁴⁰Ku marip̃orae nakoro aneana maga mamau puti; Ku mari p̃aaka aneana maga eu makaka.

⁴¹Tea maga mamau puti waina eu do liu sa pae napua pano eu do dape pavakoto asa: E po pei tea vasapinoakiana ki tea maga waina eu doko m̃aladigi ki nia.

⁴²Ku sike pakilagi ki nam̃elearu ni matua ni tea maga waina eu kokona ki nia; Ku mari tea maga mamau puti waina eu kokona ki nia eu laelaea.

⁴³Go ku mari wora makali ni lova aneana e liliu umai, Go ku da mari a e lawodu navakalo mau.

⁴⁴Ku mari a e makoto ni nalagaana aneana, Go ku nadi ki malo tasake aneana paki natano.

⁴⁵Ku mari naaleatia maga ni naveinatureaiana aneana eu puru: Ku dap̃augoro e ki namaliereana. Selah.

⁴⁶P̃a wo dum̃am̃a dasuru ki‐go, Yehovah O, pa pa paki seve ragi, pa pa ega tu mau du kite? Namaetoana anigo ega wo pavaga dapala nakapu pa pa paki seve ragi?

⁴⁷P̃a midoa ki navuruana ni ragi ni namauriana aginau: Ekasana ku dawona ki m̃oli ki naatam̃oli natuda maga mamau puti?

⁴⁸Naatam̃oli sei ega wo mauri doko po da punusi namateana mau, Waina ega wo pualua naatana pa dua ki nam̃elearu ni Sheol? Selah.

⁴⁹Nadodomiana tuai anigo maga wai, Nawota O, Ku pivisa paki David doko naveilomauana anigo?

⁵⁰Nawota O, p̃a midoa ki navasapinoaana dip̃a tea suasua anigo maga; Tea ki nalauna laapa mamau puti waina a do dape a e doko narum̃agu;

⁵¹Waina tea kokona ki‐go maga eu pasapinoa asa, Yehovah O, Waina eu pasapinoa ki naatum̃eleana maga ki tea vuvuraikiana anigo asa.

⁵²Yehovah ega vei tea vasap̃iakiana pa pa ega tu mau du. Amen, go Amen.