Read Nguna Togoa Etafe North SALAMO 98 Bible Online

SALAMO 98 - Nguna Togoa Etafe North bible

SALAMO 98

¹Salamo sikai. Kuga lega ki Yehovah nalegaana vau sikai; Nalakena e mari tea ni namagaana maga: Nam̃elearuna ni matua, go naruna tapu, e maneana mari namautipauriana.

²Yehovah e mari namautipauriana aneana e pei tea ataeana: E mari namarinaleoleanaana aneana e doko lina ki namata maga ni nalauna maga.

³E magi nasum̃a ni Israel midoa ki nadodomiana aneana go naveilomauana aneana: Namatap̃ago maga mamau puti ni maramana eu punusi namautipauriana ki Sup̃e anigida.

⁴Kuga marip̃arai‐laelaea paki Yehovah, maramana mamau: Kuga tatapua, po kola‐laelaea, po lega‐samasamani.

⁵Kuga lega‐samasamani Yehovah ki harp; Ki harp go nadaleo ni nalegaana.

⁶Ki paiga maga go nadaleo ni sagoa. Kuga marip̃arai‐laelaea narae ni Nawota, Yehovah.

⁷Natasi ega saruru, go navuraana kakana; Maramana, go tea maga waina eu doko asa doko;

⁸Noai sara maga euga tap̃ap̃osawosa ki nam̃elearuda; Tava maga euga mamau kolalaelaea;

⁹Narae ni Yehovah, nalakena e umai naga ega vasap̃otae navanua: Ega wo pasap̃otae maramana pae namarinaleoleanaana, Go nalauna maga pae naleanaana.