Read Nguna Togoa Etafe North NALULUAKIA MAGA 11 Bible Online

NALULUAKIA MAGA 11 - Nguna Togoa Etafe North bible

NALULUAKIA MAGA 11

¹Lasa totowo maga ni namarisoreana eu pei tea mamaragokiana ki Yehovah: Ma vatu totowo mamau e pei namaroana aneana.

²Ragi waina naleomadagaana e umai, nadododaoana ma e umai: Ma namanumatuaana e sikoti tea p̃op̃ovakitano maga.

³Nawialuaana ki tea leana maga ega wo maraki ra: Ma namariana tagele ki tea mari malauweluki maga ega wo mari sa ki da.

⁴Nasogolapaana e da silae mau naaleatia ni namaetoana: Ma namarinaleoleanaana e do pualua pa dua ki namateana.

⁵Namarinaleoleanaana ki tea wia lua ega wo mari napua aneana ega leana: Ma tea sigisigileo ega wo dowo ki nasigisigileoana aneana.

⁶Namarinaleoleanaana ki tea leana maga ega wo pualua ra: Ma tea maga waina eu mari malauweluki euga wo pei tea soliana ki namarisakiana adeada.

⁷Ragi waina naatam̃oli sigisigileo e mate, naleogoroana aneana ega wo puoli: Go naleogoroana ki tea tagele maga e do puoli.

⁸Tea leana e do pei tea vualuaana m̃elu dua ki nariesokiana, Go tea sigisigileo e do umai doko oli a.

⁹Ki nawokana tea ta matau ki Sup̃e e do mari sa ki tea ni m̃aladigi ki nia: Ma ki naataeana tea leana maga euga wo pei tea vualuaana.

¹⁰Ragi waina tea leana maga eu p̃ia doko, natokoana e do darasa: Go ragi waina tea sigisigileo maga eu mate puoli, nakolalaelaeaana e doko.

¹¹Ki navasap̃iakiana ki tea leana maga natokoana e pei tea sikeana pakilagi: Ma e pei tea rakaiana ki nawoka ni tea sigisigileo maga.

¹²Tea waina e midoaki p̃alo ki tea ni m̃aladigi ki nia, e dika ki namanumatuaana: Ma naatam̃oli ni namidoakiataeana e punuta doko.

¹³Tea waina e do surata pasara pasa pinoa, e do noa pakasa ki p̃aia maga: Ma tea waina naatana e pei lomau e do dap̃augoro naleo.

¹⁴Ragi waina namarakiana e da doko mau, narei eu dowo: Ma namautipauriana e doko nalaapaana ni tea vusum̃aki maga.

¹⁵Tea waina e pei tea tu oli tea p̃ota, ega wo sua tea sa asa: Ma tea waina e pilosi na‐tu‐oli‐ana e doko masale ki namatakuana.

¹⁶Nagoroi ni nasaup̃iaana e do dalua nadodomadaganiana: Go tea vakamatakua maga eu do dalua nasogolapaana.

¹⁷Naatam̃oli ni nadodomiana e do mari m̃ata ki naatana: Ma tea dodotika e do mari duletulea ki nap̃okasina.

¹⁸Tea sigisigileo e do dalua namoriana ni nasorosoroana: Ma tea waina e do sapura ki namarinaleoleanaana, e peani namoriana ni nalomauana.

¹⁹Dapala waina namarinaleoleanaana e pei tea ni namauriana: Dapala nogoe tea waina e do dausi tea sa e do dausi a paki namateana aneana.

²⁰Tea p̃op̃o tagele maga eu pei tea mamaragokiana ki Yehovah: Ma tea wia lua maga ni napua eu pei namaroana aneana.

²¹Nam̃elearu e pe vuati nam̃elearu, ma sogi e pe wo da puoli ki tea sa mau: Ma nawora ni tea leana maga euga wo sava pano.

²²Dapala rigi ni kold sikai doko nagisu ni wago sikai, Nagoroi raewia sikai waina e dika ki namidoakip̃otaeana e dapala nogoe.

²³Namasauana ki tea leana maga e pei tea wia mau: Ma naleogoroana ki tea sigisigileo maga e pei namaetoana.

²⁴Te seara eu doko waina eu do daperavera ki tea adeada maga, po mari ra eu laapa: Go te seara eu doko waina eu do mauti tea waina e p̃arua liu tea waina e leana, po do mari ra eu pisa maau.

²⁵Naata waina e do pitua ki nadodomiana ega wo pei tea mariana ega m̃anopunopu: Go tea waina e do pue ki noai, nae ma ega wo pei tea vueana ki noai.

²⁶Tea waina e mauti korn, narei euga wo pasa sa ki nia: Ma navasap̃iakiana ega wo doko nap̃au ni tea waina e sori a.

²⁷Tea waina e laaga parati ki tea wia e laaga nasaup̃iaana: Ma tea waina e laaga pusuusu ki tea sa, tea sa ega wo pa pa parati ki nia.

²⁸Tea waina e pavatu nasogolapaana aneana, ega wo dowo: Ma tea leana euga wo siria dapala naulu ni nakau malakesa.

²⁹Tea waina e mari sa ki tea ni nasum̃a aneana, ega wo peani nalagi: Go tea veilala ega wo magi tea p̃op̃o manumatua suasua.

³⁰Nawa ni tea leana e pei nakau ni namauriana; Go tea waina e dalua naatana maga e manumatua.

³¹Kuga leo, ega wo pei tea lagatipituakiana dua tea leana maramana: Ega wo dapala nogoe p̃arua liu nalo ni tea sigisigileo go tea mari naleo sa!