Read Nguna Togoa Etafe North NALULUAKIA MAGA 12 Bible Online

NALULUAKIA MAGA 12 - Nguna Togoa Etafe North bible

NALULUAKIA MAGA 12

¹Tea waina e dodomi navasapiseikiana e dodomi naataeana: Ma tea waina e pilosi navasakasuakiana e dapala nalo tuavati.

²Naatam̃oli wia ega wo dape nasaup̃iaana m̃elu Yehovah: Ma naatam̃oli ni tea midoakiana sa maga ega wo dip̃akotovi a.

³Naatam̃oli sikai ega wo da pei tea lawo‐ki‐laketokoana ki nasigisigileoana mau: Ma nakoa ni tea leana ega wo da parivari mau.

⁴Nagoroi wia sikai e pei vauvau ki anawota: Ma tea waina e mari a e maliere e dapala namadadaana doko navatuna maga.

⁵Namidodoana maga ki tea leana eu leana: Ma navasaana maga ki tea sigisigileo eu pei nasorosoroana.

⁶Navasaana maga ki tea sigisigileo eu pei naga euga kusugoro raki nada: Ma nawoka ni tea leana ega wo pualua ra.

⁷Tea sigisigileo maga eu pei tea tosivakiana, go eu da doko mau: Ma nasum̃a ki tea leana ega wo lawodu.

⁸Naatam̃oli sikai ega wo pei tea samaniana pataka ni namanumatuaana aneana: Ma tea waina e pei p̃op̃o tagele ega wo pei tea midoakidaoana.

⁹Tea waina e pei tea midoakidaoana, go e peani tea suasua sikai, E p̃ia liu tea waina e dum̃ana dodomadagani a, go e dika ki navinaga.

¹⁰Naatam̃oli leana e midoaki namauriana ki nalo tuavatu aneana: Ma namaritadodomiana maga ki tea sigisigileo eu pei dodotika.

¹¹Tea waina e kili natano aneana ega wo peani navinaga warua: Ma tea waina e dausi tea lagilagi maga e dika ki namidoakiataeana.

¹²Tea sigisigileo e masau kup̃ena ki naatam̃oli sa maga: Ma nakoa ni tea leana e pitua ki nawana.

¹³Ki natapiriana ni nagolena naatam̃oli sa e dowo paki vaivai sikai: Ma tea leana ega wo m̃elu dua ki nariesokiana.

¹⁴Naatam̃oli sikai ega wo maro ki tea wia pae nawa ni nawokana: Go namoriana ni nam̃elearu ni naatam̃oli ega wo pei tea vituakiana paki nia.

¹⁵Napua ki tea manumatavusa e leana aneana namatana: Ma tea waina e manumatua e do dakidorogo paki navasaparatikiana.

¹⁶Namaetoana ki tea vei lala e pei tea ataeana m̃araverave: Ma naatam̃oli midoakiatae e dasuru ki namaliereana.

¹⁷Tea waina e noa nalomauana e dogorogo ki namarinaleoleanaana; Ma tea noasokisoki sorosoro e dogorogo ki nasorosoroana.

¹⁸Tea sikai e doko waina e pasa p̃aragoto dapala navuvuriana ni lova: Ma namena ni tea manumatua e pei namaripauriana.

¹⁹Nagole ni nalomauana ega wo pei tea lawo‐ki‐laketokoana pa pa ega tu mau du: Ma namena ni nasorosoroana e doko ragi kiki sa.

²⁰Namarisoreana e doko nap̃op̃o ni tea maga waina eu midoakip̃ai tea sa: Ma tea vusum̃aki maga ni natam̃ateana euga wo laelaea.

²¹Te namarinaleotageleana ega wo da pakilina ki tea leana mau: Ma tea sigisigileo ega wo pei tea vakavuroana ki tea sa.

²²Nagole ni nasorosoroana e pei tea mamaragokiana ki Yehovah: Ma tea maga waina eu mari naveilomauana eu pei namaroana aneana.

²³Naatam̃oli midoakiatae e dap̃augoro naataeana: Ma nap̃op̃o ni tea manumatavusa e dogorogo ki namanumatavusaana.

²⁴Nam̃elearu ni tea m̃arekareka ega wo maramara: Ma tea mamale ega wo pei tea mariana ega vitua ki nasautoga.

²⁵Nasusueana doko nap̃op̃o ni naatam̃oli e mari a e kolo: Ma navasaana wia e mari a e laelaea.

²⁶Tea leana e pisei ki tea ni m̃aladigi ki nia napua: Ma napua ki tea sigisigileo e piragi sasap̃o ki da.

²⁷Tea mamale e da peni tea waina e palako ki nia po puati a mau: Ma naloriki wia ki naatam̃oli e pei agi tea m̃arekareka.

²⁸Namauriana e doko napua ni namarinaleoleanaana; Go napua kakana namateana e da doko asa mau.