Read Nguna Togoa Etafe North NALULUAKIA MAGA 24 Bible Online

NALULUAKIA MAGA 24 - Nguna Togoa Etafe North bible

NALULUAKIA MAGA 24

¹P̃a ta doitoi dip̃a naatam̃oli sa maga: Go p̃a ta masau sikoti ra mau:

²Nalakena nap̃op̃oda eu midoakiusiusi nariesokiana, Go nagoleda eu pasa malauweluki.

³Nasum̃a e pei tea tavagiana ki namanumatuaana; Go e pei tea lawo‐ki‐laketokoana pae namidoakiataeana:

⁴Go ki naataeana, em̃ago kakana maga eu pei tea vakavuroana Ki nasogolapana mamau ni naleo wia go tea masauniana.

⁵Tea manumatua e kasua; Io, tea ni naataeana e disu nakasuaana.

⁶Nalakena ki namarakiana manumatua, p̃a wo p̃owolau ki navakalo anigo: Go namautipauriana e doko nalaapaana ni tea vusum̃aki maga.

⁷Namanumatuaana e doko elagi mau ki tea manumatavusa: E da pasa mau namata‐pua.

⁸Tea waina e midoakip̃ai naga ega mari tea sa, Ega vei tea sosoana ki tea mari malauweluki.

⁹Namidodoana ki tea manumatavusa e pei namarinaleosaana: Go tea mari saudoa e pei tea mamaragokiana ki naatam̃oli.

¹⁰Ku pe vei tea p̃op̃otoro naaleatia ni nariesokiana, Nakasuaana anigo e kiki.

¹¹Pa vualua tea maga waina eu pei tea tapeana paki namateana, Go p̃a mauti tea maga waina euga vei tea maripunueana.

¹²Ku pe naga, Kuga leo, au da atae tea waia mau: Tea waina e dowogi nap̃op̃o, e da midoakiusiusi a kite? Go tea waina e pavaigoro naatam̃a, e da atae m̃ata ki nia kite? Go ega wo da dua sara naata tea waina e pataka ni nawosiana aneana kite?

¹³Natugu, p̃a kani honi, nalakena e p̃ia; Go nasum̃a ni honi, waina e gagadi paki nawokam̃a:

¹⁴Go p̃a wo atae naga namanumatuaana e dapala nogoe paki naatam̃a: Ku pe vap̃ai a, ega wo pei namoriana, go tea leogoroana anigo ega wo da pano puoli mau.

¹⁵Pa ta kusugoro raki nasum̃a tokoana ki tea leana, naatam̃oli sigisigileo O; Pa ta mari sa ki malo tokoana aneana mau.

¹⁶Nalakena tea leana e dowo paka larua, po moro duleana: Ma tea sigisigileo eu pei tea tosivakiana ki namarisakiana.

¹⁷Pa ta sokamidi ragi waina tea kokona ki‐go e dowo, Go nap̃op̃om̃a ega ta laelaea ragi waina e pei tea tosivakiana:

¹⁸Mase Yehovah e pe vunusi a, go e pe maeto, Po doa namaritausuana aneana m̃elu dua ki nia.

¹⁹Nap̃op̃om̃a ega ta sa mau nalakena tea mari naleo sa maga; Go p̃a ta doitoi tea sigisigileo maga:

²⁰Nalakena naatam̃oli sa ega wo da dape namoriana wia mau; Go nasulu ki tea sigisigileo ega wo pei tea vunueana.

²¹Natugu, p̃a matauki Yehovah go nawota: Go p̃a ta pasa piriviri paki tea maga waina eu do midoakipiri.

²²Nalakena namarisakiana adeada ega wo m̃araverave duleana; Go sei e atae namarisaki sokotakidana?

²³Tea maga waia ma, eu pei nanoaana maga ki tea manumatua. Naata waina e piragi narae navasap̃otaeana, e da p̃ia mau.

²⁴Tea waina e noa ki tea sigisigileo, Nigo ku leana; Narei maga euga wo pasasa ki nia, Go nalauna maga euga wo mamarago ki nia.

²⁵Ma tea maga waina eu pasa parati ki nia, Euga wo peani namaroana, go nasaup̃iaana wia ega wo pakilina ki da.

²⁶E dum̃ili nagole waina ero pitua ki navasadaraana leana.

²⁷Pa mari m̃ata ki nawosiana anigo etaku, go ega toko raki‐go vanua; Go edaku ki nia p̃a tavagi nasum̃a anigo.

²⁸Pa ta pei tea noasokisoki p̃alo dip̃a tea ni m̃aladigi ki‐go; Go nagolem̃a eroga wo da marisore mau.

²⁹Pa ta noa, Aga wo mari paki nia dapala waina e mari paki nau; Aga wo dua liliu paki nia pataka ni nawosiana aneana.

³⁰A liu pano vanua ki tea mamale, go roara ni vaine ki tea tika namidoakiataeana;

³¹Go p̃a leo, e pei tea p̃oragoroana ki tea makalikali, Go nataputea vivita eu p̃oragoro e, Go nakoro ni vatu e pei tea veraverakiana puti.

³²Go a punusi a, po midoakiusiusi a: A leopunusi a, po dape navasapiseikiana.

³³Tea kiki ni namaturuana, tea kiki ni namatamaturuana, Tea kiki ni nawelukinarum̃ana naga p̃a maturu one:

³⁴Go naveiteatikaana anigo ega wo umai dapala tea tapepavakoto; Go natikaana anigo ega tapala naatam̃oli waina e puati nalikau.