Read Nguna Togoa Etafe North NALULUAKIA MAGA 29 Bible Online

NALULUAKIA MAGA 29 - Nguna Togoa Etafe North bible

NALULUAKIA MAGA 29

¹Tea waina e dum̃ana mari nanoana e kasua nalakena nalaapaana ni natapavanauana, Ega wo pei tea marip̃oraeana m̃araverave sa, go namaripauriana ega wo dika.

²Ragi waina tea leana eu peani naveinawotaana, narei eu laelaea: Ma ragi waina tea sigisigileo e do maramara, narei eu marousu.

³Tea waina e dodomi namanumatuaana, e magi tamana pei nalaelaeaana: Ma tea waina e do sikoti nagoroi masausara maga, e sori p̃aragoto naloriki aneana maga.

⁴Ki navasap̃otaeana, nawota e lawo‐ki‐laketoko navanua: Ma tea waina e dapepavakoto, e dap̃olosiwo ki nia.

⁵Tea waina e pasa m̃om̃oa tea ni m̃aladigi ki nia, E dum̃ana magi navasiana aneana p̃elesa ki kup̃ena.

⁶Vaivai e doko natapiriana ki naatam̃oli sa: Ma tea leana e do lega, po laelaea.

⁷Tea leana e atae m̃ata ki namasauana ki tea tika: Ma tea sigisigileo e da peani namidoakiataeana mau, naga ega atae a.

⁸Tea vasa saudoa maga eu mari natokoana e pavaga: Ma tea manumatua maga eu mari namaritausuana e liliu pano.

⁹Tea manumatua e pe veani navululuana sikoti tea manumatavusa, e pe maeto kite e pe muru, Namaromaroana ega wo da doko mau.

¹⁰Tea madou raki nada e pilosi tea wia liu: Go nalo ni tea leana, nara eu laaga namauriana aneana.

¹¹Tea manumatavusa e noasai namaetoana mamau puti aneana: Ma tea manumatua e punuta, po dam̃ate doko.

¹²Tea maramara e pe rogo parati ki nasorosoroana, Tea suasua aneana maga mamau puti eu pe vei tea sigisigileo maga.

¹³Tea tika go tea riesoki ero saisai: Yehovah e marama ni sokota ki namatada.

¹⁴Nawota waina e pasap̃otae leana tea tika, Malo tasake aneana ega wo pei tea lawo‐ki‐laketoko‐ana pa pa ega tu mau du.

¹⁵Nakau varati go natapavanauana eu pitua ki namanumatuaana: Ma piakiki waina e pei tea toropusiana e dum̃ana doko, e mari p̃ilana e maliere.

¹⁶Ragi waina tea sigisigileo eu peani naveinawotaana, natapiriana e do disu: Ma tea leana euga wo leopunusi narowoana adeada.

¹⁷Pa tapavanau natum̃a naanoai, go ega wo dua ko namaromaroana; Io, ega wo pitua ki namaroana paki naatam̃a.

¹⁸Tokora waina naveanoasaiana e da doko asa mau, narei eu p̃arop̃aro: Ma tea waina e pavaigoro nawotaeana, nae e maropa.

¹⁹Tea suasua ega wo da pei tea tapavanauana mau ki navasaana: Nalakena e pe midoakiatae, ma ega wo da dogo parati ki mau.

²⁰Ku punusi naatam̃oli waina e mari m̃araverave ki navasaana aneana kite? Naleogoroana ni tea veilala e p̃arua liu tea aneana.

²¹Tea waina e pakale pisei ki tea suasua aneana pae naveipiakiki‐ana aneana pa pa e matua, Ega wo peani a ega vei natuna naanoai ragi edaku.

²²Naatam̃oli maeto e sike navululuana, Go naatam̃oli maritausu e mari natapiriana warua liu.

²³Nap̃op̃ovakilagiana ki naatam̃oli ega wo piragi a paki etano: Ma tea waina naatana e matemate ega wo dape nasamasamaniana.

²⁴Tea waina e saisaipeani sikoti tea vanako, e dum̃ana pilosi naatana: E dogo navasaana ni navivisaana go e da noasai te navatuna mau.

²⁵Namatakuana ki naatam̃oli e piragi vaivai: Ma tea waina e pavatu Yehovah ega wo pei tea mautiana.

²⁶Tea laapa eu laaga nasaup̃iaana ki tea maramara: Ma navasap̃otaeana ki naatam̃oli e pae Yehovah umai.

²⁷Naatam̃oli tagele e pei namamarogokiana ki tea leana: Go tea leana e pei namamaragokiana ki tea sigisigileo.