Read Nguna Togoa Etafe North NALULUAKIA MAGA 6 Bible Online

NALULUAKIA MAGA 6 - Nguna Togoa Etafe North bible

NALULUAKIA MAGA 6

¹Natugu, ku pe magi tea ni m̃aladigi ki‐go pei tea tu oli, Ku pe magi tea p̃ota dapap̃osa ki nam̃elearum̃a;

²Ku pe vei tea vaivaikiana ki nanoaana maga ni nawokam̃a, Ku pe vei tea solisokiana ki nanoaana maga ni nawokam̃a.

³Pa mari tea waia ragi waia, natugu, po dum̃am̃a pualua ko, Nalakena ku po umai paki nam̃elearu ni tam̃a ri; Pa vano, p̃a suai natano, po pavara ni tam̃a ri.

⁴Pa ta pitua ki namaturuana paki namatam̃a maga mau, Kite namatamaturuana paki nawili ni namatam̃a maga mau:

⁵Pa tum̃am̃a pualua ko dapala kasel sikai m̃elu dua ki nam̃elearu ni tea valako, Go dapala manu sikai m̃elu dua ki nam̃elearu ni tea valako ki manu.

⁶Pa va punusi makala, tea mamale O; Pa vunusi namariana aneana maga, go p̃a manumatua:

⁷Waina, ragi waina e da peani te nawota mau, Tea leo parati ki, kite tea maraki mau,

⁸E do mari m̃ata ki navinaga aneana ragi ni sui, Po do pila daua ki navinaga kaniana aneana ragi ni nalolovaeana.

⁹Pa wo maturu one pa pa paki seve ragi, tea mamale O? Seve ragi p̃a wo duleana m̃elu dua ki namaturuana anigo?

¹⁰Tea kiki ni namaturuana, tea kiki ni namatamaturuana, Tea kiki ni nawelukinarum̃a naga p̃a maturu one:

¹¹Go navei‐tea‐tika‐ana anigo ega wo umai dapala tea tapepavakoto sikai, Go natikaana anigo ega tapala naatam̃oli sikai waina e puati nalikau.

¹²Naatam̃oli sigisigileo, naatam̃oli ni namarinaleotageleana, E do surata pilake nawoka tagele;

¹³E do p̃ilimata ki namatana, e do pava ki nam̃elena, E do digi pisei ki nakinina maga;

¹⁴Namarisoreana e doko nap̃op̃ona, e do midoakip̃ai tea sa sara ragi; E do nadi ki navileana maga.

¹⁵Nalakena tea wanogoe nasokiana ega wo umai m̃araverave sa; Ega wo pei tea marip̃oraeana ragi ni nawilimatana sikai, Go namaripauriana ega wo dika.

¹⁶Tea latesa waia Yehovah e pilosi ra; Io, tea larua eu pei tea mamaragokiana ki naatana:

¹⁷Namata vakilagi maga, namena sorosoro, Go nam̃elearu maga waina eu daki nada tautau;

¹⁸Nap̃op̃o waina e do midoaki tea midoakiana maga ni nasigisigileoana. Nam̃ele maga waina eu do mari m̃araverave naga euga sava paki tea sa;

¹⁹Tea noasokisoki sorosoro waina e do noa nasorosoroana maga, Go tea waina e do nadi ki navileana namawota ni tamataida.

²⁰Natugu, p̃a tapesoki natip̃akiana ki tamam̃a, Go p̃a ta doropusi navasap̃iseikiana ki pilam̃a mau:

²¹Pa to otisoki ra pitip̃atip̃a nap̃op̃om̃a, Pa to sara ki da nanoam̃a.

²²Ragi waina ku surata, ega wo maraki ko; Ragi waina ku maturu one, ega wo pavaigoro ko; Go ragi waina ku darapa, ega wo pasa ki‐go.

²³Nalakena natip̃akiana e pei nasulu sikai, go nawotaeana e pei namarama; Go navasakasuaana maga ni navasapiseikiana eu pei napua ni namauriana:

²⁴Naga ega vavaigoro ko pa dua ki nagoroi sa, Pa dua ki nam̃om̃oaana ni namena ni nagoroi p̃ota.

²⁵Pa ta masau navei‐raewia‐ana aneana nap̃op̃om̃a mau; Go nawili ni namatana maga ega ta puati ko mau.

²⁶Nalakena nagoroi masausara e pei nalakena naatam̃oli e pei tea viragiana paki matele sikai ni bred: Go nagoroi maripele e do palako ki namauriana wia.

²⁷Naatam̃oli ega wo dape nakapu vavaga doko narum̃ana, Go sugoro aneana maga euga wo da pei tea tap̃arakiana kite?

²⁸Naatam̃oli e pe surata pae nam̃elevara vavaga maga, Go nam̃elena ero pe wo da aso mau kite?

²⁹Dapala nogoe tea waina e sili usi nagoroi ki tea ni m̃aladigi ki nia; Sara naata waina eu kisidogo e, sogi ega wo da puoli ki da mau.

³⁰Eu da midoaki p̃alo ki tea vanako mau, ragi waina e panako, Naga ega vakavuro naatana ragi waina e pitolo:

³¹Ma ragi waina e pei tea vap̃aiana, ega wo lagati pitua ki nia ega vaka larua; Ega wo pitua ki naleo maga mamau puti ni nasum̃a aneana.

³²Tea waina e maripele nagoroi sikai e dika ki namidoakiataeana: Tea waina e mari a, e dum̃ana mari sa ki naatana.

³³Ega wo dape naatugiana go nadododaoana; Go navasapinoa‐ki‐nia‐ana ega wo da pei tea kasiluaana mau.

³⁴Nalakena natotowokasuaana e pei namaritausuana ki naatam̃oli; Go ega wo da mari malemale mau naaleatia ni nasikosikoana.

³⁵Ega wo da dape narae ni te naulu ni natap̃augoroana mau; Go ku pe vitua ki navituaana laapa, Ma nap̃op̃ona e pe wo da p̃ia asa mau.