Read Nguna Togoa Etafe North NALULUAKIA MAGA 9 Bible Online

NALULUAKIA MAGA 9 - Nguna Togoa Etafe North bible

NALULUAKIA MAGA 9

¹Namanumatuaana e davagi nasum̃a aneana, E dae tip̃a larua aneana:

²E maripunue nalo tuavati aneana maga; e lip̃akisari waine aneana; Go e ovaraki paki wede aneana.

³E dautau nagoroi atara aneana maga, e do pioso, Doko tokora vakilagi liu maga ni natokoana, e naga,

⁴Tea waina e manumatavusa ega tawasi umai: Nalo ni tea waina e dika ki namidoakiataeana, e noa ki nia, e naga,

⁵Kuga umai, kuga kani bred aginau, Po munu waine waina a lip̃akisari a,

⁶Kuga toropusi a, tea manumatavusa maga, go kuga mauri; Go kuga surata pae napua ni namidoakiataeana.

⁷Tea waina e dapavanau tea vasasaudoa, e dum̃ana maneana dape nadododaoana: Tea waina e pasa kasua ki tea sigisigileo, e dum̃ana maneana dape navasapinoa‐ki‐nia‐ana.

⁸Pa ta pasa kasua ki tea vasasaudoa mau, kite ega wo pilosi ko: Pa vasa kasua ki tea manumatua, go ega wo dodomi ko.

⁹Pa vitua ki navasapiseikiana paki tea manumatua, go ega wo manumatua p̃arua: Pa visei ki tea leana, go ega wo disu ki naataeana.

¹⁰Namatau‐ki‐Yehovah‐ana e pei naatulakeana ni namanumatuaana: Go naatae‐Tea‐Tapu‐ana e pei namidoakiataeana.

¹¹Nalakena pae au naaleatia anigo maga euga wo laapa, Go natau maga ni namauriana anigo euga wo pei tea sokariana.

¹²Ku pe manumatua, ku pe tum̃am̃a manigo manumatua: Go ku pe vasasaudoa, ku pe sikim̃a dapetape a.

¹³Nagoroi veilala e do pasap̃arai; E pei manumatavusa, po da atae te navatuna mau.

¹⁴Go e dasake pisari namata ni nasum̃a aneana, Doko malo tasake sikai ni tokora vakilagi maga ni natokoana.

¹⁵Naga ega vioso paki tea maga waina eu do pae napua liu pano, Waina eu do surata leana pano, e naga,

¹⁶Tea waina e manumatavusa, ega tawasi umai: Go nalo ni tea waina e dika ki namidoakiataeana, e do noa ki nia, e naga,

¹⁷Noai vanakoana maga eu gagadi; Go navinaga gani‐sili‐kiana e pei tea masauniana.

¹⁸Ma e da atae mau naga naatemate maga eu doko tokora wanogoe; Naga tea vitautauana aneana maga eu doko nap̃aloa ni Sheol.