Read Nguna Togoa Etafe North TEA TAPAVANAU 3 Bible Online

TEA TAPAVANAU 3 - Nguna Togoa Etafe North bible

TEA TAPAVANAU 3

¹Ragi tatutakiana sikai e doko raki sara naleo, go ragi sikai raki sara navatuna etano ni nakoroatelagi:

²Ragi sikai ni navakilinaana, go ragi sikai ni namateana; ragi sikai ni nalalawoana, go ragi sikai ni navakudakati‐ana ni tea waina e pei tea lawoana;

³Ragi sikai ni namaripunueana, go ragi sikai ni namaripauriana, ragi sikai ni narakaiana, go ragi sikai ni natavagiana;

⁴Ragi sikai ni natagiana, go ragi sikai ni namuruana; ragi sikai ni nasusueana, go ragi sikai ni nasaleana;

⁵Ragi sikai naga euga nadi ki lua vatu maga, go ragi sikai naga euga vila daua ki vatu maga; ragi sikai naga euga toti, go ragi sikai naga euga ta doti mau;

⁶Ragi sikai naga euga laaga go ragi sikai naga euga tape puoli ki; ragi sikai naga euga mauti, go ragi sikai naga euga nadi ki lua;

⁷Ragi sikai naga euga vuap̃orae, go ragi sikai naga euga tuturi; ragi sikai naga euga vunuta, go ragi sikai naga euga vasa;

⁸Ragi sikai naga euga dodomi, go ragi sikai naga euga vilosi; ragi sikai raki navakalo, go ragi sikai raki natam̃ateana.

⁹Seve nataluaana tea wosiwosi ega veani a m̃elu nawosi‐mawosa‐ana aneana?

¹⁰A punusi sua nawosiana kasua waina Sup̃e e dua naatam̃oli natuda maga asa naga euga wosiwosi asa.

¹¹E mari sara naleo eu p̃ia lua doko ragi kakana: go e lawo ki maramana nap̃op̃oda, ma e dapala waina naatam̃oli e mari sa leousiusi m̃ata ki nawosiana waina Sup̃e e mari a pae ragi ni naatulakeana pa pa paki ragi ni namatap̃ago edaku.

¹²A atae naga te navatuna sikai e da doko mau waina e p̃ia ki da liu naga euga laelaea, po mari tea waina e p̃ia sara naaleatia ni namauriana adeada.

¹³Go naga e pei navituaana ki Sup̃e paki naatam̃oli naga ega kanikani po munu, po peani nalaelaeaana nawosiana mamau puti aneana.

¹⁴A atae naga sara naleo waina Sup̃e ega wo mari a, ega wo doko pa pa po du mau du, go te navatuna e mari sa sokari a mau, go te navatuna e mari sa pei tea tape‐lua‐ana kiana mau: go Sup̃e e mari a naga naatam̃oli maga euga mataku naraena.

¹⁵Tea waina e doko, e pei tea waina e pea doko; go tea waina ega wo pakilina, e pea doko sua doko: go Sup̃e e do moro laaga tea waina e po pano puoli.

¹⁶Go a moro punusi doko etano ni elo, doko tokora ni navasap̃otaeana, naga nasigisigileoana e doko asa doko; go doko tokora ni namarinaleoleanaana, naga namarinaleotageleana e doko asa doko.

¹⁷A noa nap̃op̃ogu, a naga, Sup̃e ega wo pasa p̃otae tea leana go tea sigisigileo: nalakena e dawona ki ragi sikai raki sara navatuna go raki sara nawosiana.

¹⁸A noa nap̃op̃ogu, a naga, Naatam̃oli natuda maga eu pei nalakena, naga Sup̃e ega maridogo ra, go naga nara euga wo dum̃ada punusi naga eu pei nalo tuavati maga mau.

¹⁹Nalakena tea waina ega wo pakilina ki naatam̃oli natuda maga, ega wo moro pakilina ki nalo tuavati maga; tea sikai maau mau ega wo pakilina ki puti ra: dapala waina sikai ega mate, kerua ega moro mate dakiusi a; io, eu maraka peani namero sikai maau mau; go naatam̃oli e da peani te navakilagi‐liu‐ana dap̃au nalo tuavati maga mau: nalakena tea mamau puti e pei tea p̃alo mau.

²⁰Euga mamau puti pano paki tokora sikai maau; eu mamau puti m̃elu nam̃otam̃ota, go euga moro mamau puti liliu paki nam̃otam̃ota.

²¹Go sei e atae mase naata ni naatam̃oli e pe wo sake pakilagi, go naata ni nalo tuavati e pe wo siwo paki natano?

²²Nalakena tea wanogoe a punusi naga te navatuna e da doko mau waina e p̃ia ki naatam̃oli liu naga ega veani nalaelaeaana doko nawosiana aneana maga; nalakena naleo wanogoe e pei matele aneana: go sei waina ega viragi a ega liliu umai naga ega vunusi tea waina ega wo doko edakugoro e?