Read Nguna Togoa Etafe North NALEGAANA NI NALEGAANA MAGA 6 Bible Online

NALEGAANA NI NALEGAANA MAGA 6 - Nguna Togoa Etafe North bible

NALEGAANA NI NALEGAANA MAGA 6

¹Tea dodomiana anigo e paki esava, Tea vei rae wia m̃aleoputo ni nagoroi maga O? Tea dodomiana anigo e dum̃ana doa e paki esava, Go auga wo laaga asa sikoti ko?

²Tea dodomiana aginau e siwo paki roara aneana, paki sula maga ni balsam, Naga ega vagani doko roara maga, go naga ega tape lili maga.

³Kinau a pei agi tea dodomiana aginau, go tea dodomiana aginau e pei aginau: E do pagani navata aneana m̃aleoputo ni lili maga.

⁴Nigo ku pei rae wia, tagu ri nagoroi O, dapala Tirsah, Tea leom̃atakiana dapala Yerusalem, Tea mataukiana dapala taua maga waina eu puati manututu maga.

⁵P̃a roa namatam̃a eroga m̃elu dua ki nau pano, Nalakena nara ero marimatua ki nau. Nalolum̃a e dapala navata sikai ni naninani maga, Waina eu one pae nadigi ni tava Cilead.

⁶Napatim̃a maga eu dapala navata sikai ni shiip goroi, Waina eu po sake pae nasarueana umai; Waina eu mamau puti dape nedue, Go tea sikai waina natuna e mate e da doko m̃aleoputo kakada mau.

⁷Nap̃orom̃a ero dapala matele ni pomekranet sikai, Nataku ni tea taugoro‐rae anigo.

⁸Nawota nagoroi maga nara eu pei rualima latesa, go narup̃a maga eu pei rualima latolu, Go nagoroi atara maga eu da pei tea veveana mau.

⁹Tokopea aginau, tea wia lua aginau, nae e pei tea sikai maau; Nae e pei tea sikai maau ki p̃ilana; Nae e pei tea matadoaana ki tea waina e dape a. Naatam̃oli natuda nagoroi maga eu punusi a, po soso e ki tea maropa; Nawota nagoroi maga go narup̃a maga eu punusi a, po samasama ni a.

¹⁰Sei waia waina e leo kolovaki dave dakiusi malip̃ogi, Tea vei rae wia dapala atelagi, Tea tautau dapala elo, Tea mataukiana dapala taua waina eu puati manututu maga?

¹¹A siwo paki roara ni nagae maga pano, Naga aga vunusi nakau malakesa maga ni nap̃aloa, Naga aga vunusi vaine e pe siria, Go pomekranet maga eu pe pum̃a.

¹²Ragi waina a ko da atae mau naatagu e lawo ki nau M̃aleoputo ni kariot maga ki narei m̃arekareka aginau.

¹³P̃a liliu, p̃a liliu, Shulamit O; P̃a liliu, p̃a liliu, naga auga leo punusi ko. Ekasana kuga leo punusi Shulamit, Dapala nasaleana ni Mahanaim?