Read Nguna Togoa Etafe North ISA 15 Bible Online

ISA 15 - Nguna Togoa Etafe North bible

ISA 15

¹Naveanoasaiana nalo ni Moab. Ioro, p̃ogi sikai Ar‐Moab e pei tea mariana e pei maso maladi, po mavunuvunu; ioro, p̃ogi sikai Kir Moab e pei tea mariana e pei maso maladi, po mavunuvunu.

²Eu sake paki Bayith, go paki Dibon pano, paki tokora vakilagi maga naga euga tagi: Moab e do lalagaarova nalo ni Nebo, go nalo ni Medeba: nam̃asuaana e doko sara nap̃auda, nalolu ni nasida e pei tea masiluaana.

³Eu dum̃ada dasoki ra ki nakulukulu ni sak doko napua adeada maga: doko nam̃asua ni nasum̃a adeada maga, go tokora welewelea adeada maga, eu do lalagaarova, doko do dagi p̃arua.

⁴Heshbon go Elealeh ero pioso; nadaleoda e pei tea rogoana pa pa paki Yahas: nalakena tea wanogoe naatam̃oli maga ni navakalo ni Moab eu kuapioso; naatana e duruuru nap̃alauna.

⁵Nap̃op̃ogu e do gi nalo ni Moab; tea sava pano kakana maga eu sava paki Soar pano, paki Eklath shelishiyah: nalakena eu sake tokora ni nasakesakeana paki Luhith pano, eu do sake, eu do sake, eu do dagi; go doko napua paki Horonaim eu sike nadaleoda nalakena namarisasakiana.

⁶Nalakena noai maga ni Nimrim eu dap̃a garagara: nalakena nam̃enau e kokolo sua, e da moro pisou mau, naulu mamalakesa e dika.

⁷Nalakena tea wanogoe nalapalapaana ni nataluaana adeada, go tea waina eu daua ki nia, euga wo dape lua ra po duagoto nap̃ap̃a noaisara ni willo maga pano.

⁸Nalakena nakuapiosoana e pano usuraki kokoi maga ni Moab daliviri; natagiana kakana pa pa paki Eklaim, go natagiana kakana pa pa paki Beer‐elim.

⁹Nalakena noai maga ni Dimon eu pura ki nada: ma namarisakiana maga waina eu sa do liu eu doko raki Dimon, laion sikai waina ega wo darup̃a Moab tea seara kakada waina eu sava pano, go namagovai ni navanua waina eu pei tea toropusiana eu mauri doko.