Read Nguna Togoa Etafe North ISA 17 Bible Online

ISA 17 - Nguna Togoa Etafe North bible

ISA 17

¹Naveanoasaiana nalo ni Damaseko. Kuga leo, Damaseko ega wo da moro pei natokoana sikai mau, ega wo pei taua makaka sikai.

²Natokoana kakana maga euga wo pei maso maladi: euga wo pei agi navata maga ni shiip, waina euga wo one natano asa, go tea vakamatakua ki da ega wo dika.

³Nasum̃a ni p̃aaka ega wo pano puoli m̃elu dua ki Efraim, go namarakiana m̃elu dua ki Damaseko; go namagovai ni Siria waina ega wo pei tea toropusiana doko ega wo dakiusi nasamasamaana ni Israel natuna maga, Yehovah ki taua maga e noa e.

⁴Go ega wo pakilina naaleatia wanogoe, naga nasamasamaana ni Yakob ega wo pakitano, go nam̃anopunopuana ni nap̃okasina ega wo sirinopu.

⁵Ega wo dapala tea tagaukotovi ragi waina e pai korn lawodu, go naruna e dagaukotovi m̃okai kakana maga; go ega wo dapala tea sikai ragi waina e pilavilae m̃okai maga nap̃aloa ni Refaim.

⁶Navilavilaeana ega wo pei tea toropusiana doko, ega wo dakiusi ragi waina eu paria ki nakau oliva, nawa sikasikai ega toko nam̃asua ni arana ni elagi mau, nawa pati kite lima namatap̃ago ni ara ni nakau dau p̃ia sikai. Yehovah Sup̃e ki Israel e noa e.

⁷Naaleatia wanogoe naatam̃oli maga euga wo midoaki Tea Tawona ki da, go namatada euga wo leo paki Tea Tapu ki Israel.

⁸Go euga wo da moro midoaki wede ni naviriana maga, nawosiana ni nam̃elearuda maga mau, go euga wo da moro leo paki tea waina nakinida maga eu p̃osiwosi ki nia mau, e pe vei Asherah maga, kite e pe vei wede maga ni tea ni nap̃o wia.

⁹Naaleatia wanogoe natokoana kasua anigo maga euga wo dakiusi maso maladi maga ki naworawora ni Hivah go ki naworawora ni Amor, waina nara eu doropusi ra nalakena Israel natuna maga: go ega wo pei maso maladi sikai doko.

¹⁰Nalakena ku malio ki Sup̃e ni namautipauriko‐ana, go ku da midoaki Vatu Laketoko ni nakasuaana anigo mau; nalakena tea wanogoe ku pe lawo tea lawoana masauniana maga, po puru ki ara maga ni sup̃e sikai ni nalauna p̃ota:

¹¹Ku pe mari ra eu pe ulua naaleatia waina ku pe lawo ra asa, naga eu pe manigo pum̃a malip̃ogi ki nia: ma nalolovaeana kakana e pe wo pano puoli naaleatia ni narogokitesaana, go ni nasusueana warua.

¹²Ai ki nap̃agaagaana ni narei laapa, waina eu do pagaaga dakiusi nap̃agaagaana ni natasi maga; go nauruana ni nalauna maga waina eu do uru dakiusi nasaruruana ni noai kasua maga!

¹³Nalauna maga euga wo uru dakiusi nasaruruana ni noai laapa: ma Sup̃e ega wo pasa kasua ki da, go euga wo sava paki uvea pano, po pei tea kopasiluaana pano dapala nap̃olaga ni tava maga waina nalagi e do sui pulua ki nia, go dapala nasogosogo ni suitaviro.

¹⁴Ragi melu, kuga leo, nap̃ilakeana; go e ko da aleati go eu pano puoli. Tea wanogoe e pei tea veanip̃otaeana ki tea maga waina eu do dape pavakoto gida, go navaratiana ki tea maga waina eu do puti lua pavakoto gida.