Read Nguna Togoa Etafe North ISA 20 Bible Online

ISA 20 - Nguna Togoa Etafe North bible

ISA 20

¹Doko natau waina Tartan e paki Ashdod, ragi waina Sarkon nawota ni Assiria e dip̃aki nia asa, go e mari navakalo dip̃a Ashdod, po puati a;

²Doko ragi wanogoe Yehovah e pasa pae nam̃elearu ni Isaiah natu ni Amos, po naga, P̃a vano, po sawo lua nakulukulu ni sak m̃elu dua ki namalom̃a, po dape lua nam̃elevasiana anigo m̃elu dua ki nam̃elem̃a. Go e mari dapala nogoe, e m̃alam̃ala po dika nam̃elevasiana, doko do surasurata.

³Go Yehovah e naga, Dapala waina tea suasua aginau Isaiah e m̃alam̃ala po dika nam̃elevasiana doko do surasurata natau dolu naga ega vei navaivaiana sikai go tea ni namagaana sikai paki Ityipt go paki Ethiopia;

⁴Dapala nogoe nawota ni Assiria ega wo piragi lua pavakoto tea viragi‐lua‐pavakotoana maga ni Ityipt, go tea ni Ethiopia waina eu pei tea kopasiluaana pano, tea vusavusa go tea matua, euga wo m̃alam̃ala po dika nam̃elevasiana, go namaoda euga m̃alam̃ala, paki namaliereana ni Ityipt.

⁵Go euga saram̃akoto po maliere, nalakena Ethiopia naleogoroana adeada, go nalakena Ityipt nasamasamaana adeada.

⁶Go naaleatia wanogoe naatatoko maga ni navanua ni elau wanogoe euga wo naga, Kuga leo, tea wanogoe e pei naleogoroana anigida, tokora waina tu sava paki asa raki nasilaeana naga tuga vei tea vualuaana m̃elu dua ki nawota ni Assiria! Go nigida tuga tum̃agida mauti gida dapale sava?