Read Nguna Togoa Etafe North ISA 3 Bible Online

ISA 3 - Nguna Togoa Etafe North bible

ISA 3

¹Nalakena kuga leo, Yehovah, Yehovah ki taua maga, ega wo dape lua m̃elu dua ki Yerusalem go m̃elu dua ki Yudah, tip̃a go laketano ni namauriana adeada, navavatuana mamau ni navinaga, go navavatuana mamau ni noai;

²Naatam̃oli marimatua, go naatam̃oli ni navakalo; tea vasap̃otae, go profeta, go tea kikita, go tea matua;

³Tea maraki ni rualima lima, go navarapule, go tea vusum̃aki, go tea midiri manumatua, go tea kikita atae p̃ia.

⁴Go ega wo mari natureai maga euga vei tea maraki adeada maga, go tea maramara dap̃au ra ega wo dakiusi piakiki.

⁵Go narei euga wo pei tea riesokiana, euga wo dum̃ada diesoki ra, sara naata ki tana, go sara naata ki tea ni m̃aladigi ki nia: tea vusavusa ega wo mari lagilagi paki tea matua, go tea sigisigileo paki tea dodomadaganiana.

⁶Ragi waina naatam̃oli sikai ega wo puati taina ekopu ni nasum̃a ki tamana, doko do naga, Nigo ku peani tea suniana maga, p̃a vei tea maraki aginami, go taua ni tea makaka waia ega toko etano ki nam̃elearum̃a:

⁷Naaleatia wanogoe nae ega wo sike nadaleona, po naga, Aga wo da pei tea maripauri sikai mau; nalakena navinaga go tea suniana maga eu dika nasum̃a aginau eu dika sa: p̃a wo da mari au aga vei tea maramara dap̃au narei mau.

⁸Nalakena Yerusalem ega wo dapilagona, go Yudah ega wo dowo: nalakena namenada go natomariana adeada maga eu sa dip̃a Yehovah, go eu do mari p̃auluulu narae ni nasamasamaana aneana.

⁹Naviraginarae‐ana adeada e do dip̃akotovi ra; go nawokada eu do noasokisoki dip̃a ra. Dakiusi Sodom, eu pei taua malasi. Ai ki naatada! Nalakena eu piragi tea sa dum̃ada paki da.

¹⁰Kuga noa ki tea leana maga naga euga wo doko p̃ia doko: nalakena euga wo gani nawa ni natomariana adeada maga.

¹¹Ai ki tea sigisigileo! Ega wo sa ki nia, nalakena tea waina nam̃elearuna ero mari a, ega wo liliu paki nia.

¹²Narei aginau O! Tea mari pavakoto maga eu do pilavilae ra, tea vitua ki tea seakiana maga eu do maramara dap̃au ra. Narei aginau O! Tea maraki anigo maga eu do maraki sasap̃o ki‐go, po do mari napua anigo maga eu pinovinoi.

¹³Yehovah e duleana naga ega mari navululuana, e lawodu naga ega magi narei mari navasap̃otaeana.

¹⁴Yehovah ega wo sili paki navasap̃otaeana dip̃a tea matua maga ni narei aneana, go dip̃a tea maraki kakada maga: e pei nimu waina ku gani dinomi roara ni vaine; tea vuti‐lua‐pavakotoana ki tea tika maga e doko ekopu ni nasum̃a animu maga:

¹⁵Ku mari nasava, ku do marip̃oraworae narei aginau, po do marip̃oroworosi narae ni tea rogokitesa maga? Yehovah, Yehovah ki taua maga e noa e.

¹⁶Go Yehovah e moro naga, Nalakena Sion natuna nagoroi maga eu do mari lagilagi, po do surata pilake kanoa m̃akam̃aaka go narea‐matana, doko do surata nikanika doko do pano, go doko do mari roroleo ki nam̃eleda:

¹⁷Nalakena tea wanogoe Yehovah ega wo atugi nam̃asua ni nap̃au ni Sion natuna nagoroi maga ki navakarago, go Yehovah ega wo mari pakasa ki nam̃alam̃alaana adeada.

¹⁸Naaleatia wanogoe Yehovah ega wo dape lua naleo ni narekeiana adeada maga, sokisokitore maga, go piriviri p̃au maga, go sokisoki noa maga;

¹⁹Vakadaliga maga, go lela maga, go taugoro rae maga;

²⁰Tagoto p̃au maga, napanipani maga, tokoale maga, lasa maga ni tea ni nap̃o wia, naleo walugoro maga;

²¹Rig maga, go sum̃ili maga;

²²Sugoro varau maga ni narekeiana, go sugoro kovagoro maga, kovakova maga, nala maga;

²³Titiro maga, go linen wia, go tap̃au vivisiana maga, go nakulukulu taugoro‐rae maga.

²⁴Go ega wo pakilina naga nap̃oaana ni namesoana ega wo doko oli tea ni nap̃o wia ni nasei lolo; go namea ega wo doko oli tasoki wia; nam̃asuaana ega wo doko oli navirinaloluana; go sugoro ni nakulukulu ni sak ega wo doko oli sugoro rekeikiana; go namata‐maliereana ega wo doko oli navei‐raewiaana.

²⁵Naatam̃oli anigo maga euga wo dowo ki lova, go m̃aau anigo maga doko navakalo.

²⁶Namata‐pua kakana maga euga wo susue po lalagaarova; go ega wo p̃alo po pei namata pule m̃oli one.