Read Nguna Togoa Etafe North ISA 32 Bible Online

ISA 32 - Nguna Togoa Etafe North bible

ISA 32

¹P̃a leo, ragi waina nawota sikai ega wo maramara doko namarinaleoleanaana, go tea maraki maga euga wo damaraki doko navasap̃otaeana;

²Euga wo doko dakiusi tokora ni nasavasiliana sikai pa dua ki nalagi, go tokora ni natokolokuana sikai pa dua ki suitaviro; dakiusi noaisara maga malo garagara sikai, dakiusi melu ni vatu laketoko warua navanua mawosa sikai.

³Go namata ni tea maga waina eu leosai euga wo da p̃ili mau, go nadaliga ni tea maga waina eu dogo euga wo dorogo.

⁴Nap̃op̃o ni tea mari p̃aragoto ega wo midoaki atae naataeana, go namena ni tea vasa gonakona ega wo pasa m̃asoko.

⁵Tea vei lala ega wo da moro pei tea sosoana ki tea vakilagi mau, go tea sigisigileo ega wo da pei tea noaana naga e pei tea dodomadaganiana mau.

⁶Nalakena tea vei lala ega wo pasa naveilalaana, go nap̃op̃ona ega wo mari namarinaleotageleana, naga ega mari nasigisigileoana, go naga ega lua ki nasasap̃oana dip̃a Yehovah, naga ega mari naata ni tea vitolo ega wo p̃alo doko, go naga ega mari namunuana ki tea madou ega wo dika.

⁷Go namariana maga ki tea sigisigileo eu pei tea sa: e dum̃ana midoaki p̃otae namidoaki‐p̃otaeana sa maga naga ega mari puoli ki tea rogokitesa ki navasaana ni nasorosoroana, ma navasaana ki tea tika e leana.

⁸Ma tea wia liu e dum̃ana midoaki p̃otae naleo maga waina eu p̃ia, go pae naleo maga waina eu p̃ia, e dum̃ana lawodu kasua asa.

⁹Kuga tuleana, nimu nagoroi p̃arop̃aro maga, kuga rogo nadaleogu; nimu nagoroi maga waina ku doko navavatuana, kuga taki nadaligamu paki nanoaana aginau.

¹⁰Nalakena natau sikai go naaleatia pisa maau euga wo nopu, go kuga wo duruuru, nimu nagoroi p̃arop̃aro maga; nalakena nawa ni vaine ega wo dika, nalolovaeana ega wo da umai mau.

¹¹Kuga ruruuru, nimu nagoroi parop̃aro maga; kuga mataku, nimu tea maga waina ku doko navavatuana: kuga sawo lua sugoro animu maga, kuga m̃alam̃ala, kuga tum̃amu dasoki namalomu ki nakulukulu ni sak.

¹²Kuga tum̃amu dapagi narum̃amu nalo ni vanua masauniana maga, nalo ni vaine tau p̃ia.

¹³Tea makalikali maga go tea vivitip̃a maga euga wo p̃otu sake m̃aleoputo ni navanua ki narei aginau; go m̃aleoputo ni nasum̃a mamau puti ni nalaelaeaana doko natokoana ni nalaelaeaana:

¹⁴Nalakena nasum̃a warua ega wo pei tea toropusiana; natokoana waina e pea pura ki naatam̃oli ega wo pei maso maladi doko; tava kakana go nasum̃a varau pakilagi ni navavaigoroana kakana, eroga wo pei nap̃aloa maga pa pa po du mau du, nalaelaeaana sikai ki ass mila maga, tokora kanikani sikai ki navata maga;

¹⁵Pa pa paki ragi waina Naatana ega wo pei tea taki‐kovaiana paki gida pae elagi mau, go masop̃alo ega wo pei vanua ni namasu, go vanua ni namasu ega wo pei tea midoakiana naga e pei mala ni nakau sikai.

¹⁶Ragi wanogoe naleanaana ega wo doko masop̃alo doko, go namarinaleoleanaana ega wo doko vanua ni namasu doko.

¹⁷Go nawosiana ni namarinaleoleanaana ega wo pei natam̃ateana, go nawa ni namarinaleoleanaana ega wo pei natatam̃ateana go navavatuana doko mau doko.

¹⁸Go narei aginau euga wo doko natokoana sikai ni natam̃ateana, go tokora tokoana maga ni natokodam̃ateana, go tokora maga ni namaromaroana.

¹⁹Ma usa ni vatu ega wo duki mala ni nakau ega wo dowo, go natokoana ega wo pei tea mariana ega wo pakitano.

²⁰Ku maropa waina ku do sapura ki nadigi ni sara noai maga, waina ku dip̃aki lua oks go ass eu dum̃ada pano.