Read Nguna Togoa Etafe North ISA 59 Bible Online

ISA 59 - Nguna Togoa Etafe North bible

ISA 59

¹Kuga leo, naru ni Yehovah e da puru, naga e da mariatae mauti mau; go nadaligana e da madagadaga naga e da mariatae dogo mau:

²Ma e pei namarinaleotageleana animu maga waina eu mari p̃otae mu ma Sup̃e animu, go e pei namarinaleosaana animu maga waina eu dasuru ki namatana pa dua ki mu, naga nae e karai dogo.

³Nalakena nam̃elearumu maga eu loa ki nada, go nakinimu maga ki namarinaleotageleana; nagolemu maga eu pasa nasorosoroana maga, namenamu e daururu ki nasigisigileoana.

⁴Te naata e da sili paki navasap̃otaeana ki naleanaana mau, go te naata e da mari navululuana ki naveilomauana mau: eu pavatu tea p̃alo, po pasa nasorosoroana; eu dumau ki namarisakiana, go eu pisola ki namarinaleotageleana.

⁵Eu dasasai atolu maga ni m̃aata sa, po pausi kalau ni kalum̃i: tea waina e pe kani atoluda, e pe wo mate, go sikai e pe vei tea mari‐p̃oroworosiana, m̃aata sa sikai e pe wo m̃elu asa.

⁶Kalau adeada maga eu da p̃ia ki tea suniana maga mau, go euga wo da dum̃ada kovagoro ra ki nawosiana adeada maga mau: nawosiana adeada maga eu pei nawosiana maga ni namarinaleotageleana, go nawosiana ni namaripavakotoana e doko nam̃elearuda maga.

⁷Nam̃eleda maga eu do sava paraki tea sa, go eu mari m̃araverave naga euga taki nada tautau: namidodoana adeada maga eu pei namidodoana maga ni namarinaleotageleana; natape‐puoli‐kiana go namarisakiana ero doko napua adeada maga.

⁸Eu da atae napua paki natam̃ateana mau; go naleanaana e dika namariana adeada maga: eu dum̃ada mari napua adeada maga eu dagele; tea waina e surata asa e da atae natam̃ateana mau.

⁹Nalakena tea wanogoe naleanaana e du uvea ki gida, go namarinaleoleanaana e da pa parati ki gida mau: tu leogoro namarama, ma kuga leo, namaligo; go ki nalagaana, ma tu surata namaligo wono.

¹⁰Tu do dotogo paki namalo ni nasum̃a dakiusi tea kesa, go tu do dotogo dakiusi tea maga waina namatada eu dika: tu do dapilagona aleati matua dapala e pe vei p̃ogi; tu dapala naatam̃oli mate maga m̃aleoputo ni tea kasua maga.

¹¹Tu do mamau puti uru dakiusi bear maga, po do mua dakiusi tokopea maga; tu do leogoro naleanaana, ma e dika; go namautipauriana, ma e du uvea ki gida.

¹²Nalakena natapiriana aginami maga eu laapa namatam̃a, go namarinaleosaana aginami maga eu do noasokisoki dip̃a gami: nalakena natapiriana aginami maga eu puluti gami doko, go namarinaleotageleana aginami maga, au atae ra:

¹³Tu do mari natapiriana po do pasa dugoro Yehovah, tu do sukasuka pano m̃elu dua ki Sup̃e anigida, doko do pasa namarisoreana go namarip̃auluuluana, po do midoakip̃ai navasaana maga ni nasorosoroana po do lua ki da m̃elu nap̃op̃ogida.

¹⁴Go naleanaana e maradoa liliu, go namarinaleoleanaana e lawodu uvea: nalakena naveilomauana e dowo one napua ni natokoana, go naleanaana e mari sa sili asa mau.

¹⁵Go naveilomauana e dika; go tea waina e m̃elu dua ki tea sa, e dum̃ana mari a e pei tea vuti‐lua‐pavakotoana sikai: go Yehovah e punusi a, go e maeto nalakena naleanaana e dika.

¹⁶Go e punusi naga naatam̃oli e dika, go e maga nalakena tea vae namawota e dika: nalakena tea wanogoe naruna e dum̃ana maneana mari namautipauriana; go namarinaleoleanaana aneana e dum̃ana pei nasilaeana aneana.

¹⁷Go e suni namarinaleoleanaana e dapala kokororum̃a sikai, go kalup̃au sikai ni vatu ni namautipauriana e doko nap̃auna: go e suni sugoro maga ni nasikoana eu pei tea suniana aneana maga, po pei tea kovagoroana ki nasuisuiana dapala sugoro kovagoro sikai.

¹⁸Ega wo lagati dua ra ega vataka ni namariana adeada maga, namaritausuana paki walu p̃ota ki nia maga, nasikoana paki tea kokona ki nia maga; ega wo lagati pitua ki navituadip̃aana paki naureure maga.

¹⁹Dapala nogoe euga wo matau ki nagisa ni Yehovah pae taleva ni elo musu, go nasamasamaana aneana pae taleva ni elo sake: nalakena nae ega wo umai dakiusi nap̃ap̃a noaisara kasua sikai waina Namero ni Yehovah e dietie a.

²⁰Go tea taulua sikai ega wo umai paki Sion, go paki tea maga waina eu liliu pa dua ki natapiriana doko Yakob, Yehovah e noa e.

²¹Go kinau, tea waia e pei navasasokiana aginau paki da, Yehovah e noa e: naatagu waina e doko ako, go navasaana aginau maga waina a doro ra nawokam̃a, euga wo da m̃elu dua ki nawokam̃a pano mau, go euga wo da m̃elu dua ki nawoka ni naworam̃a mau, kite m̃elu dua ki nawoka ni naworam̃a naworana mau, Yehovah e noa e, pae ragi waia go pa pa ega tu mau du.