Read Nguna Togoa Etafe North ISA 6 Bible Online

ISA 6 - Nguna Togoa Etafe North bible

ISA 6

¹Natau waina nawota Ussiah e mate asa, kinau a punusi Yehovah e dasake doko malo tasake sikai elagi po pei tea sikeana pakilagi, go sugoro kovagoro ni naveinawotaana aneana e pakavuro nasum̃a tapu.

²Go seraf maga eu lawodu nap̃irikiana: eu pilake nalivaruda latelatesa sarasara ra; go e kovagoro naraena ki edua, go e kovagoro natuana ki edua, go e diri ki edua.

³Go eu pioso dum̃ada paki da, po naga, Dapu, dapu, dapu, Yehovah ki taua maga e dapu: maramana mamau e pura ki nasamasamaana aneana.

⁴Go laketano maga ni nakautu ni namata maga eu pari ki nadaleo ni tea waina e pioso, go nasum̃a e pei tea vakavuroana ki naasua.

⁵Go a naga, Ai kinau! Nalakena a pei sap̃o; nalakena kinau a pei naatam̃oli gole loa sikai, go a doko m̃aleoputo ni narei sikai ni gole loa maga: nalakena namatagu ero punusi Nawota, Yehovah ki taua maga.

⁶Go seraf maga sikai kakada e diri umai punusi au, nam̃elevara vavaga sikai waina e dape lua e ki odaki m̃elu dua ki wede ni naviriana, e doko nam̃elearuna:

⁷Go e kisidogo nawokagu asa, po naga, P̃a leo, tea waia e po kisidogo nagolem̃a; go namarinaleotageleana anigo e po pei tea tapeluaana pano, go namarinaleosaana anigo e po manigo pei tea midoakikorokoroana.

⁸Go a dogo nadaleo ni Yehovah, e naga, Aga tip̃aki lua sei, go sei ega wo maginami pano? Go a naga. Kinau nea; p̃a tip̃aki lua au pano.

⁹Go e naga, P̃a vano, po noa ki narei waia, p̃a naga, Kuga rogo po moro dogo, ma kuga ta midoaki atae mau; go kuga leo po moro leo, ma kuga ta leo atae mau.

¹⁰P̃a mari nap̃op̃o ni narei waia ega m̃anopunopu, po mari nadaligada euga madaga, go namatada euga kesa; mase namatada eu pe leo atae, go nadaligada eu pe rogo atae, go nap̃op̃oda e pe midoaki atae, go eu pe moro maradoa po pei tea maripauriana.

¹¹Go a naga, Yehovah O, pa pa paki seve ragi? Go e pasadara po naga, Pa pa natokoana maga euga wo pei taua makaka maga, naatatoko ega ta doko ara mau, go nasum̃a maga euga wo dika ki naatam̃oli, go navanua ega wo pei maso maladi one,

¹²Go Yehovah ega wo mari puoli ki naatam̃oli maga, go tokora makaka maga euga wo laapa m̃aleoputo ni navanua.

¹³Go namagovai kerualima sikai kakana e pe vei tea toropusiana doko asa, e pe wo moro pei tea tap̃arakiana: ega tapala terebinth, go ega tapala nakau oak, ragi waina e pei tea taeana e dowo, ma nalakena e ko doko; dapala nogoe naworawora tapu e pei nalake kakana.