Read Nguna Togoa Etafe North ISA 64 Bible Online

ISA 64 - Nguna Togoa Etafe North bible

ISA 64

¹Ku pe mari p̃orae nakoroatelagi maga, po siwo umai, tava maga eu pe wo sara siwo naraem̃a;

²Dakiusi waina nakapu e dap̃ara ki nataputea lologora, go dakiusi waina nakapu vavaga e mari noai e lotalota: naga nagisam̃a ega vei tea ataeana paki walup̃ota ki‐go maga, naga nalauna maga euga ruruuru naraem̃a!

³Ragi waina ku mari tea mataukiana maga waina au da leogoro ara mau, nigo ku siwo umai, go tava maga eu sara siwo naraem̃a.

⁴Nalakena pae ragi ni tuai ni tuai mau, naatam̃oli maga eu da dogo, kite atae pae nadaligada mau, go namatada eu da punusi Sup̃e sikai mau, ma nigo sikim̃a, waina ku do magi tea waina e do leogoro ako suasua.

⁵Ku pe saup̃ia ki tea waina e midoakidoa po mari namarinaleoleanaana, tea maga waina eu midoaki parati ki napua anigo maga, e pe wia! P̃a leo, nigo ku maritausu; nalakena au mari naleo sa: ragi waina nigo ku dokoloku, kinami au po pei tea tap̃aro maga.

⁶Au mamau puti pei taua malasi sikai, go namarinaleoleanaana aginami maga eu dakiusi sugoro loa sikai: go au mamau puti kokolo dakiusi naulu nakau sikai; go namarinaleotageleana aginami maga eu dapala nalagi, eu dape lua gami pano.

⁷Go tea sikai e dika waina ega vioso paki nagisam̃a, waina ega tum̃ana surupugoni a naga ega tape soki ko: nalakena ku dum̃am̃a dasuru ki naraem̃a paki gami, po mari gami namavunuvunuana, nalakena namarinaleotageleana aginami maga.

⁸Ma Yehovah O, nigo ku pei Tamagami; kinami au pei naruku, go nigo ku pei tea mari lasa ni naruku; go au mamau puti pei nawosiana ni nam̃elearum̃a.

⁹P̃a ta maritausu p̃arua, Yehovah O, go p̃a ta midoaki namarinaleotageleana aginami maga pa pa pa: p̃a leo, p̃a vunusi, au pavara ni ko asa, au mamau puti pei narei anigo.

¹⁰Natokoana tapu anigo maga eu pei masop̃alo sikai, Sion e pei masop̃alo sikai, Yerusalem e pei maso maladi sikai.

¹¹Nasum̃a tapu go leom̃atakiana aginami, tokora waina tamagami maga eu samasama ni ko asa, e pei tea tap̃arakiana ki nakapu; go naleo wia masauniana aginami maga mamau puti eu sapuraki one.

¹²P̃a wo dum̃am̃a soki ko doko nalo ni tea maga wanogoe, Yehovah O, kite? P̃a wo punuta doko po mari gami narogokitesaana warua, kite?