Read Nguna Togoa Etafe North LEVITIKO 12 Bible Online

LEVITIKO 12 - Nguna Togoa Etafe North bible

LEVITIKO 12

¹Go Yehovah e pasa paki Moses, po naga,

²P̃a vasa paki Israel natuna maga, po naga, Waina nagoroi sikai e pe tiena po dape piakiki naanoai sikai, nagoroi wanogoe ega wo loa nakup̃a larua; dakiusi nakup̃a maga ni tea mamaragokiana doko p̃aova aneana, dapala nogoe ega wo loa.

³Go nakup̃a kelatolu nawili vea ni nap̃okasina ega vei tea tovadaviviana.

⁴Go nae ega wo doko nada ni namari‐dautau‐ki‐nia‐ana nakup̃a rualima dolu tamate dolu; ega ta kisidogo te naleo waina e dapu kite sili paki tokora tapu mau, pa pa nakup̃a maga ni namari‐dautaukinia‐ana euga vei tea vakavuroana.

⁵Ma waina e pe tape piakiki nagoroi sikai, go ega wo loa nakup̃a rualima sikai tamate pati, dakiusi nakup̃a maga ni namamaragokiana aneana: go ega wo doko nada ni namaridautaukinia‐ana nakup̃a rualima latesa tamate latesa.

⁶Go ragi waina nakup̃a maga ni namari‐dautaukiniaana euga wo nopu, ki natuna naanoai kite ki natuna nagoroi, nae ega viragi shiip natuna sikai umai, tea ni natau sikai, ega vei navituaana tap̃arakiana sikai, go tokopea vusavusa sikai kite taroa sikai, ega vei navituaana ni namarinaleosaana, ega viragi ra umai paki namata ni tap̃aup̃au ni nasaisaiana, punusi tea viri:

⁷Go nae ega wo pitua ki nia narae ni Yehovah, po maneana mari natap̃augoroana; go ega wo dautau m̃elu dua ki nadana. Tea waia e pei nawotaeana ki nagoroi waina e dape natuna, e pe vei naanoai kite e pe vei nagoroi.

⁸Go waina naleo aneana e pe ta pataka naga ega viragi shiip natuna sikai umai, go ega tape taroa dua kite tokopea vusavusa dua; sikai ega vei navituaana tap̃arakiana, go kerua ega vei navituaana ni namarinaleosaana: go tea viri ega wo maneana mari natap̃augoroana, go ega wo dautau.